LayOffs: మైక్రోసాఫ్ట్‌ నుంచి మరోసారి ఉద్యోగుల తొలగింపు..ఈ సారి ఎంతమందంటే!

Microsoft LayOffs: మైక్రోసాఫ్ట్ మరోసారి పెద్ద సంఖ్యలో ఉద్యోగుల తొలగింపులు చేయబోతోంది. యాక్టివిజన్ బ్లిజార్డ్‌తో (Activision Blizzard) సహా వీడియో-గేమ్ విభాగాలలో (Video Gaming) 1,900 మంది ఉద్యోగులను కంపెనీ తొలగిస్తుంది. మైక్రోసాఫ్ట్ గతేడాది యాక్టివిజన్ బ్లిజార్డ్‌ను 68 మిలియన్ డాలర్లకు కొనుగోలు చేసింది.

బ్లూమ్‌బెర్గ్ (Bloomberg) ప్రకారం, మైక్రోసాఫ్ట్ గేమింగ్ చీఫ్ ఫిల్ స్పెన్సర్ తన సిబ్బందికి ఈ-మెయిల్ పంపారు, అందులో మైక్రోసాఫ్ట్‌లో పనిచేస్తున్న 22,000 మంది గేమింగ్ వర్కర్లలో 8 శాతం మందిని తొలగిస్తున్నట్లు వివరించారు. వెర్జ్ ఈ వార్తను మొదట ప్రకటించారు. మరో వీడియో గేమ్ కంపెనీ రైట్ గేమ్స్ కూడా పెద్ద సంఖ్యలో ఉద్యోగులను తొలగించింది.

Also Read: పాకిస్తానీలను చంపింది భారత ఏజంట్లే..భారత్‌ పై పాక్‌ సంచలన ఆరోపణలు!

2023 సంవత్సరంలో కూడా, మైక్రోసాఫ్ట్‌లో (Microsoft) భారీ తొలగింపులు కనిపించాయి. యాఎస్ ఆర్థిక వ్యవస్థలో సంక్షోభం  తరువాత, మైక్రోసాఫ్ట్ జనవరి 2023లో 10,000 మంది ఉద్యోగులను తొలగించాలని నిర్ణయించుకుంది. ఆ సమయంలో, మైక్రోసాఫ్ట్ ఛైర్మన్, CEO సత్య నాదెళ్ల (Satya Nadella) 2023 ఆర్థిక సంవత్సరం మూడవ త్రైమాసికం నాటికి కంపెనీలో మొత్తం 10,000 స్థానాలను తొలగిస్తున్నట్లు ప్రకటించారు.

సత్య నాదెళ్ల తన లేఖలో మాట్లాడుతూ, మనం గొప్ప మార్పుల కాలాన్ని ఎదుర్కొంటున్నామని, నేను కస్టమర్‌లు, భాగస్వాములను కలిసినప్పుడు, కొన్ని విషయాలు స్పష్టమవుతున్నాయి. మొదటిది, కొవిడ్‌ మహమ్మారి సమయంలో వినియోగదారులు డిజిటల్ కంటెంట్‌పై తమ వ్యయాన్ని బాగా పెంచారు, కానీ ఇప్పుడు దీనికి సర్దుబాటు చేస్తున్నారు.

తక్కువతో ఎక్కువ చేయాలనుకుంటున్నారు. ప్రపంచ వ్యాప్తంగా వివిధ రంగాలకు చెందిన కంపెనీలు చాలా జాగ్రత్తగా ముందుకు సాగడం కూడా చూస్తున్నాం. ఎందుకంటే చాలా దేశాల్లో ఆర్థిక మాంద్యం ఏర్పడింది. ఇది చాలా ఇతర దేశాలలో సంభవించే అవకాశం ఉంది.