మహారాష్ట్రలో 144 సెక్షన్‌..ఇంటర్నెట్ కూడా బంద్‌!

మహారాష్ట్రలో ఉద్రిక్త పరిస్థితులు నెలకొన్నాయి. గత కొంత కాలంగా రాష్ట్రంలో మరాఠా రిజర్వేషన్ల కోసం పోరాటం జరుగుతున్న విషయం తెలిసిందే. కొద్దిరోజులుగా సాగుతున్న ఈ ఉద్యమం గత వారం నుంచి ఈ ఉద్యమానికి నేతృత్వం వహిస్తున్న మనోజ్‌ జరంగే నిరాహార దీక్ష చేస్తున్న విషయం తెలిసిందే.

ఈ ఉద్యమం కోసం ఇప్పటికే చాలామంది యువత తమ ప్రాణాలను కోల్పోయారు. ఈ క్రమంలోనే మనోజ్‌ ఆరోగ్యం కూడా బాగా క్షీణించింది. దీంతో ఉద్యమకారులు తీవ్ర ఆగ్రహం వ్యక్తం చేశారు. ఈ విషయం గురించి ఉద్యమకారులు మహారాష్ట్ర ముఖ్యమంత్రి షిండే పై తీవ్ర స్థాయిలో విరుచుకుపడ్డారు.

Also read: చంద్రబాబు రూట్ మ్యాప్ ఇదే..ఆయన ఎలా వెళ్లనున్నారంటే!

మనోజ్ పరిస్థితిని చూసి కూడా సీఎం పట్టించుకోలేదని ఆరోపించారు. దీంతో ఉద్యమకారులు ఎమ్మెల్యేల నివాసాలకు , కార్యాలయాలకు, దుకాణాలకు నిప్పు పెడుతున్నారు. దీంతో రాష్ట్రంలో ఉద్రిక్త పరిస్థితులు నెలకొన్నాయి. ఈ క్రమంలో అధికారులు మంగళవారం రాష్ట్రంలో 144 సెక్షన్‌ విధించారు.

ఇంటర్నెట్‌ సేవలను కూడా నిలిపివేశారు. సుమారు 32 సంవత్సరాల క్రితం మరాఠా రిజర్వేషన్ల పై తొలిసారి ఉద్యమం మొదలైంది. అప్పట్లో ఈ ఉద్యమానికి మత్తడి లేబర్‌ యూనియన్‌ నాయకుడు నాయకత్వం వహించారు. అయితే తాజాగా మనోజ్‌ నేతృత్వంలో ఈ ఉద్యమం మళ్లీ మొదలయ్యింది.

ఈయన జాల్నాలో నిరాహార దీక్షకు కూర్చున్నారు. కాగా బీడ్ జిల్లాలో నిరసనకారులు తీవ్ర ఆగ్రహం వ్యక్తం చేశారు దీనితో బీడ్ ఉద్యమానికి కేంద్రంగా మారింది.