Loksabha today:మూడు న్యాయసంహిత బిల్లులకు లోక్ సభలో ఆమోదం

బ్రిటీష్ కాలం నాటి న్యాయ చట్టాలకు కాలం చెల్లింది. కొత్త చట్టాలు త్వరలో అమల్లోకి రాబోతున్నాయి. దీనికి సంబంధించి 3 కొత్త క్రిమినల్ చట్టాల బిల్లులకు లోక్‌సభలో ఈరోజు ఆమోద ముద్ర పొందాయి. ఇండియన్ పీనల్ కోడ్ - ఐపీసీ, క్రిమినల్ ప్రొసీజరల్ కోడ్ - సీఆర్‌పీసీ, సాక్ష్యాల చట్టం - ఎవిడెన్స్‌ యాక్ట్‌ స్థానంలో కేంద్రం కొత్త చట్టాలను ప్రవేశపెట్టింది. భారతీయ న్యాయ సంహిత, భారతీయ నాగరిక్‌ సురక్షా సంహిత, భారతీయ సాక్ష్య చట్టం పేరుతో కేంద్ర హోం శాఖ మంత్రి అమిత్ షా ప్రవేశపెట్టిన బిల్లులకు లోక్‌సభ ఆమోదం తెలిపింది. ఈ 3 బిల్లులపై దిగువ సభలో చర్చ జరిగిన తర్వాత మూజువాణి ఓటుతో సభ్యులు ఆమోదం తెలిపారు.

Also read:రాజకీయాల్లోకి కంగన.. ఆ పార్టీనుంచే పోటీ చేస్తుందంటూ తండ్రి క్లారిటీ

ఈ బిల్లుల మీద ఈ రోజు లోక్ సభలో కేంద్రహోం మంత్రి అమిత్ షా లోక్ సభలో ప్రసంగించారు. ఇకమీదట మూకదాడి ఘటనల్లో దోషిగా తేలిన వారికి మరణశిక్ష విధించే నింబధన ఈ బిల్లుల్లో ఉందని చెప్పారు. ఇక స్వాతంత్ర సమరయోధులను జైలులో పెట్టడానికి బ్రిటీష్ వారు తీసుకువచ్చిన దేశ ద్రోహ చట్టాన్ని తొలగించాలని కేంద్ర ప్రభుత్వం నిర్ణయించినట్లు కేంద్రమంత్రి అమిత్ షా ప్రకటించారు. ఈ కొత్త బిల్లుల్లో శిక్షలకు బదులుగా న్యాయంపై దృష్టి సారించేలా దేశంలో నేర న్యాయ వ్యవస్థను పునరుద్ధరించాలని కేంద్ర ప్రభుత్వం లక్ష్యంగా పెట్టుకుందని తెలిపారు. ఈ మూడు కొత్త చట్టాలను మొదటిసారి కేంద్ర ప్రభుత్వం వర్షాకాల సమావేశాల్లో ప్రవేశపెట్టింది. ఇప్పుడు వాటినే మళ్ళీ సవరించి కొత్తగా లోక్ సభలో ప్రవేశపెట్టింది కేంద్ర ప్రభుత్వం. ఈ కొత్త చట్టాలతో పోలీస్ వ్యవస్థ మరింత బలోపేతంగా, జవాబుదారీతనంగా మారుతుందని కేంద్ర హోంమంత్రి అమిత్ షా అన్నారు.

#WATCH | Delhi: Home Minister Amit Shah in Lok Sabha says, "A provision for Trial in Absentia has been introduced...Many cases in the country shook us be it the Mumbai bomb blast or any other. Those people are hiding in other countries and trials are not underway. They don't need… pic.twitter.com/BCT5bYL0jL

— ANI (@ANI) December 20, 2023

#WATCH | Delhi: Home Minister Amit Shah in Lok Sabha says, "Now the accused will get seven days to file a plea for acquittal...The judge has to hold the hearing in those seven days and in a maximum time of 120 days, the case would come to trial. There was no time limit for plea… pic.twitter.com/7KzlLwnbPl

— ANI (@ANI) December 20, 2023