Juice: ఈ రసంతో స్కాల్ప్‌ ఇన్ఫెక్షన్‌ దూరం

Bitter Gourd Juice: కాకరకాయ రసం చాలా చేదు,  చాలా ఆయుర్వేద గుణాలను కలిగి ఉంటుంది. ఈ రసాన్ని జుట్టుకు పట్టించడం వల్ల చాలా ప్రయోజనాలను పొందవచ్చు. కాకరకాయ చేదుగా ఉండటం వల్ల చాలా మందికి ఇష్టం ఉండదు. మధుమేహ వ్యాధిగ్రస్తులకు కాకరకాయ రసం తాగడం మంచిదని చెబుతుంటారు. ఈ రసం జుట్టుకు కూడా ఎంతో మేలు చేస్తుంది. చేదులో ఉండే యాంటీ బ్యాక్టీరియల్, యాంటీ ఫంగల్ లక్షణాల వల్ల చుండ్రుతో పోరాడుతుంది. అంతే కాదు ఇందులో ఉండే విటమిన్ ఎ, సి, ఐరన్ జుట్టు పెరుగుదలకు తోడ్పడతాయి. అదే సమయంలో జుట్టు రాలే సమస్యను కూడా దూరం చేస్తుంది. కాకరకాయలోని గుణాలు స్కాల్ప్ ఇన్ఫెక్షన్లను తగ్గించడంలో సహాయపడతాయి.  ఇలా వారానికి ఒకసారి ఉపయోగించడం వల్ల మీ జుట్టు వేగంగా పెరుగుతుంది. ఈ హెయిర్ ప్యాక్ జుట్టు మూలాలను బలపరుస్తుంది, జుట్టు చిట్లడం, రాలిపోవడం వంటి సమస్యలు తగ్గుతాయి. కాకరకాయ రసాన్ని వివిధ పదార్థాలతో కలిపి జుట్టుకు ఉపయోగించవచ్చు.

హెయిర్‌ ప్యాక్‌ తయారీ:

మెంతి గింజలను రాత్రంతా నానబెట్టి పేస్ట్‌గా రుబ్బుకోవాలి. ఇప్పుడు కాకరకాయ రసంలో మెంతి పేస్ట్ మిక్స్ చేసి ప్యాక్ తయారు చేసుకోవాలి. ఇప్పుడు ఈ మిశ్రమాన్ని మీ తలకు అప్లై చేయండి. 30 నుండి 40 నిమిషాల పాటు అలాగే ఉంచి, గోరువెచ్చని నీరు, తేలికపాటి షాంపూ ఉపయోగించి జుట్టును కడగాలి. కలబంద, కాకరకాయలోని యాంటీ ఇన్‌ఫ్లమేటరీ లక్షణాలు ఎరుపు, వాపు, దురదల నుంచి ఉపశమనం కలిగిస్తాయి. ఈ ప్యాక్ చుండ్రు, పొడిబారడం వంటి సమస్యలను తగ్గిస్తుంది. అలోవెరా నుండి తాజా జెల్‌ను తీసుకోవాలి. ఇప్పుడు కాకరకాయ రసాన్ని తీసి అందులో అలోవెరా జెల్ కలపాలి. ఈ మిశ్రమాన్ని మీ తలకు పట్టించండి. అరగంట అలాగే ఉంచి చల్లటి నీటితో కడిగేయాలి.

కాకరకాయ-కరివేపాకు జుట్టు ప్యాక్‌:

కరివేపాకును ఉపయోగించడం వల్ల జుట్టు సహజ రంగును కాపాడుతుంది. ఈ హెయిర్ ప్యాక్ మీ జుట్టును వేగంగా పెరిగేలా చేస్తుంది. 4 టేబుల్ స్పూన్లు కాకరకాయ రసం, 2 టేబుల్ స్పూన్లు కరివేపాకు పేస్ట్, 1 టేబుల్ స్పూన్ కొబ్బరి పాలు తీసుకోవాలి. ముందుగా కరివేపాకును కొద్దిగా నీళ్లతో గ్రైండ్ చేసి పేస్ట్‌లా చేసుకోవాలి. ఇప్పుడు అన్ని పదార్థాలను కలపండి. సిద్ధం చేసుకున్న హెయిర్‌ప్యాక్‌ని మీ జుట్టుకు అప్లై చేయండి. సుమారు అరగంట పాటు వదిలివేయండి. చివరగా మీ జుట్టును గోరువెచ్చని నీటితో, తేలికపాటి షాంపూతో కడగాలి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: ఇంటికి వచ్చాక కాళ్లు ఎందుకు కడుక్కోవాలి?

ఇది కూడా చదవండి:  కాఫీలో పంచదార వేసుకోకపోతే ఇన్ని లాభాలా?