Mahashivratri 2026: మహాశివరాత్రి రోజు ఇలా చేస్తే అన్ని సమస్యలు మటాష్..!

Mahashivratri 2026: ఈ రోజు శివుడు, పార్వతి దేవి ఐక్యమైన రోజు. వారి వివాహం కూడా ఇదే తేదీన జరిగింది. మహా శివరాత్రి రోజు నిజమైన భక్తితో ఉపవాసం ఉంటే కోర్కెలు నెరవేరుతాయని భక్తుల ప్రగాఢ విశ్వాసం. ఈ పండుగ వివాహిత మహిళలకు మరింత ప్రత్యేకమైనది. ఎందుకంటే ఈ రోజున శివుడిని పూజించడం వల్ల వైవాహిక జీవితంలో ప్రేమ, నమ్మకం పెరుగుతుంది. 

ఆర్థిక సమస్యలు తొలగిపోతాయి:

కొన్ని పరిహారాలు చేస్తే ఆర్థిక సమస్యలు కూడా తొలగిపోతాయి. వ్యాపారంలో ఆర్థిక లాభం పొందే అవకాశాలు ఉన్నాయి. మహాశివరాత్రి రోజు శివలింగాన్ని పంచామృతంతో అంటే పాలు, పెరుగు, నెయ్యి, తేనె, బెల్లంతో అభిషేకం చేయాలి. అంతేకాకుండా 11 బిల్వ ఆకులను కూడా సమర్పించాలి. ఇలా చేయడం ద్వారా ఆర్థిక సమస్యలు తొలగిపోతాయి. మహా శివరాత్రి రోజు హనుమాన్ చాలీసా పారాయణం చేయడం చాలా ప్రయోజనకరంగా ఉంటుంది. ఇలా చేయడం ద్వారా మహాదేవుడితో పాటు హనుమాన్ ఆశీస్సులు కూడా లభిస్తాయి. 

మహా శివరాత్రి రోజు ఒక వెండి కుండ తీసుకొని దానిలో నీరు నింపాలి. దానిలో ఒక వెండి నాణెం, 11 తెల్లని పువ్వులు ఉంచాలి. ఆ తరువాత శివలింగానికి సమర్పించాలి. సాయంత్రం 11 దీపాలను వెలిగించాలి. ఇలా చేయడం వల్ల డబ్బు సంపాదించడంలో ఉన్న అడ్డంకులు తొలగితాయని పండితులు చెబుతున్నారు. మహాశివరాత్రి రోజు శివలింగానికి కుంకుమ పాలు, పసుపు రంగు పువ్వులు అర్పించడం వల్ల వ్యాపారంలో లాభం, జీవితంలో ఆనందం ఉంటుంది. అంతేకాకుండా పేదలకు ఆహారం, డబ్బు దానం చేయాలి. ఇలా చేయడం వల్ల అన్ని పాపాలు నశిస్తాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.