Hormonal Acne Treatment: ఈ టిప్స్ పాటిస్తే ఎలాంటి మొటిమలైనా మాయం.. ఓ సారి ట్రై చేయండి!

Hormonal Acne Treatment: హార్మోన్ల సంబంధిత మొటిమలతో ఇబ్బంది పడుతున్న వారు దానిని నయం చేయడానికి అనేక పద్ధతులను అవలంబిస్తారు. చర్మాన్ని జాగ్రత్తగా చూసుకోవడానికి ఖరీదైన  వస్తువులను ఉపయోగించడమే కాకుండా వైద్యులను సలహా తీసుకుంటారు. కొన్నిసార్లు ఆహారంలో స్వల్ప మార్పులు చేయడం ద్వారా హార్మోన్ల మొటిమలను నయం చేసుకోవచ్చు. పురుషులు, మహిళలు ఇద్దరికీ మొటిమల సమస్య ఉండటం సర్వసాధారణం. మొటిమలు సర్వసాధారణమైనప్పటికీ దానికి అనేక కారణాలు ఉండవచ్చు. దీనికి కొన్ని కారణాలు హార్మోన్ల అసమతుల్యత(Hormonal Imbalance) లేదా ఒక నిర్దిష్ట వయస్సు తర్వాత వారిలో సంభవించే మార్పులు. హార్మోన్ల మొటిమలు అంటే.. హార్మోన్ల వల్ల వచ్చే మొటిమలు. ఈ రోజుల్లో చాలా సాధారణం. చాలా మంది దీనివల్ల ఇబ్బంది పడుతున్నారు. హార్మోన్ల మార్పుల కారణంగా శరీరం ఎక్కువ సెబమ్‌ను ఉత్పత్తి చేసినప్పుడు హార్మోన్ల మొటిమలు సంభవిస్తాయి.

Also Read: భూకంపం టైంలో పెద్ద శబ్ధం ఎందుకు వస్తుందో తెలుసా?

ఒమేగా-3(Omega-3) అధికంగా ఉండే ఆహారాలు:

ఒమేగా-3 కొవ్వు ఆమ్లాలు హార్మోన్ల మొటిమలను నియంత్రించి శరీరంలో మంటను తగ్గిస్తాయి. చర్మ నిపుణుల అభిప్రాయం ప్రకారం.. ఆహారంలో గుమ్మడికాయ గింజలు, పొద్దుతిరుగుడు విత్తనాలు, బాదం, వాల్‌నట్స్ వంటి ఒమేగా-3 అధికంగా ఉండే ఆహారాలను చేర్చుకోవచ్చు. ఈ ఆహారాలు శరీరంలోని సెబమ్ స్థాయిని నియంత్రిస్తాయి. ఒమేగా-3 కొవ్వు ఆమ్లాల మాదిరిగానే, జింక్ అధికంగా ఉండే ఆహారాలు కూడా హార్మోన్ల మొటిమలను తగ్గించుకోవచ్చు. జింక్ శోథ నిరోధక లక్షణాలను కలిగి ఉంటుంది. సెబమ్ ఉత్పత్తిని నియంత్రించడంలో చాలా మంచిది.  

Also Read: మీ బ్రేక్ ఫాస్ట్‌లో ఈ ఫుడ్ ఐటెమ్స్ ఉంటాయా?

శరీరంలో సెబమ్ పరిమాణం తక్కువగా ఉంటే.. మొటిమలు తక్కువగా వస్తాయి. ఆహారంలో అవకాడో, మాంసం, చేపలు, విత్తనాలు వంటి జింక్ అధికంగా ఉండే ఆహారాలను చేర్చుకోవచ్చు. ఇనోసిటాల్ అనేది ఆహార పదార్థాలలో శరీరంలో కనిపించే ఒక రకమైన చక్కెర.  ఇనోసిటాల్ అధికంగా ఉండే ఆహార పదార్థాలను తినడం వల్ల హార్మోన్లను సమతుల్యం చేస్తాయి. ఫలితంగా మొటిమలు తక్కువగా వస్తాయి. చర్మ ఆరోగ్యాన్ని మెరుగుపరచుకోవడానికి ఆహారంలో సిట్రస్ పండ్లు, పుచ్చకాయ, పప్పు ధాన్యాలు, తృణధాన్యాలు వంటి ఇనోసిటాల్ అధికంగా ఉండే ఆహారాలను చేర్చుకోచ్చని నిపుణులు చెబుతున్నారు.

Also Read: కుంభమేళా నీళ్లలో కోలీఫామ్‌ బ్యాక్టీరియా.. బాంబు పేల్చిన పొల్యుషన్ కంట్రోల్ బోర్డ్

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: టమాటో రసం తాగితే ఎన్ని హెల్త్ బెనిఫిట్సో తెలుసా?