Blood Pressure: అధిక రక్తపోటు ఉంటే ఇవి అమృతం..అస్సలు మిస్‌కావొద్దు

Blood Pressure: హైపర్‌ టెన్షన్ అంటే రక్తపోటు సమస్య. అధిక రక్తపోటు లేదా high BP గుండె జబ్బులు, స్ట్రోక్, థైరాయిడ్ వంటి అనేక ఆరోగ్య సంబంధిత సమస్యలకు దారితీస్తుంది. అధిక బీపీతో బాధపడేవారు పుల్లటి పండ్లను తినాలి. ద్రాక్ష పండు, నారింజ, నిమ్మకాయలతో సహా సిట్రస్ పండ్లు రక్తపోటును తగ్గించే సామర్థ్యాన్ని కలిగి ఉంటాయి. అయితే ఈ పండ్లన్నింటిలో విటమిన్లు, ఖనిజాలు పుష్కలంగా ఉంటాయి. కాబట్టి ఇది అధిక రక్తపోటు వంటి గుండె జబ్బుల ప్రమాద కారకాలను తగ్గించడం ద్వారా గుండెను ఆరోగ్యంగా ఉంచడంలో సహాయపడతాయి. 

రక్తపోటును తగ్గించడానికి.. 

ఈ పండును పూర్తిగా తిని సలాడ్‌లో లేదా జ్యూస్‌గా చేసుకుని తాగితే బీపీ అదుపులో ఉంటుంది.  పార్స్లీ అనేది ఎంతో ప్రజాదరణ పొందిన కూరగాయ. ఇది రక్తపోటును తగ్గించడానికి పనిచేస్తుంది. చియా, అవిసె గింజలు చిన్నవిగా కనిపిస్తాయి కానీ వీటిలో ఎన్నో పోషకాలు ఉన్నాయి. పొటాషియం, మెగ్నీషియం, ఫైబర్ ఉంటాయి. ఇవి ఆరోగ్యకరమైన రక్తపోటును నిర్వహించడానికి అవసరం అవుతాయి. బ్రోకలీలో ఫ్లేవనాయిడ్లు, యాంటీఆక్సిడెంట్లు పుష్కలంగా ఉన్నాయి. ఇవి శరీరంలో రక్తనాళాల పనితీరు, నైట్రిక్ ఆక్సైడ్ స్థాయిలను పెంచడం ద్వారా రక్తపోటును తగ్గించడానికి పని చేస్తాయి. క్యారెట్‌లో క్లోరోజెనిక్, పి కౌమారిక్, కెఫిక్ యాసిడ్స్ వంటి ఫినాలిక్ సమ్మేళనాలు ఎక్కువగా ఉంటాయి. 

ఇది రక్త నాళాలను సడలించడంతోపాటు వాపును కూడా తగ్గిస్తుంది. ఇది రక్తపోటు స్థాయిలను తగ్గించడంలో సహాయపడుతుంది. పిస్తాలు హై బీపీ ఉన్నవారికి వరం. ఇది మీ గుండెకు అవసరమైన పోషకాలను అందిస్తుంది. గుమ్మడి గింజలు పోషకాల పవర్‌ హౌస్ అని చెప్పవచ్చు. అధిక బీపీ ఉన్నవారు ఖచ్చితంగా గుమ్మడి గింజలను తీసుకోవాలి. ఇది రక్తపోటును తగ్గించడంలో చాలా సహాయపడుతుంది.  బీన్స్‌లో ప్రోటీన్, ఫైబర్‌తో పాటు పోషకాలు మంచి పరిమాణంలో లభిస్తాయి. బీపీ ఎక్కువగా ఉన్నవారు బీన్స్, పప్పులు తినాలని నిపుణులు చెబుతున్నారు. దీంతో అతి తక్కువ సమయంలో రక్తపోటును అదుపులో ఉంచుకోవచ్చు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది  కూడా చదవండి: కొలెస్ట్రాల్ తగ్గడానికి ఏ రొట్టె తినాలి?