Kidney Stone: కిడ్నీలో రాళ్లు ఉంటే ఈ ఆహారాలు ముట్టుకోకూడదు

Kidney Stones: మనం తీసుకునే అనారోగ్యకరమైన ఆహారం కూడా కిడ్నీలో రాళ్ల సమస్యకు దారి తీస్తుంది. దీని వల్ల కిడ్నీలో రాళ్లు ఏర్పడటంతో పాటు పరిమాణం కూడా పెరుగుతుంది. ఈ రోజుల్లో కిడ్నీ స్టోన్స్ అనేది ఒక సాధారణ సమస్యగా మారింది. చిన్న, పెద్ద అనే తేడా లేకుండా అందరినీ ప్రభావితం చేస్తుంది.  కిడ్నీ మన శరీరంలో రక్తాన్ని ఫిల్టర్ చేసే ముఖ్యమైన భాగం. సరైన జీవనశైలి, ఆహారం కారణంగా కిడ్నీ పనితీరు చెదిరిపోతుంది. ఎక్కువ కాలం ఆహారం సరిగ్గా తీసుకోకపోతే కిడ్నీలో రాళ్లు ఏర్పడతాయి. దీని వల్ల చాలాసార్లు కడుపులో, నడుములో విపరీతమైన నొప్పిని అనుభవించాల్సి వస్తుంది. దీని కోసం ప్రతిరోజూ తగినంత నీరు తాగాలి. 

కిడ్నీ స్టోన్స్‌తో బాధపడేవారు..

మూత్రపిండాల్లో రాళ్లతో బాధపడుతున్న రోగులు కొన్ని ఆహారాలకు దూరంగా ఉండాలి.  విటమిన్ సి అధికంగా ఉండే ఆహారాన్ని ఎక్కువగా తీసుకోవడం వల్ల మూత్రపిండాల్లో రాళ్లు ఏర్పడతాయి. కాబట్టి వాటిని నిర్దిష్ట పరిమాణంలో తీసుకోవాలి. కిడ్నీ స్టోన్ ఉన్నవారు సోయాబీన్స్, సపోటా, కందులు, ముడి బియ్యం, వంకాయ గింజలు, టమాటా ఎక్కువగా తినకూడదు. ఇవన్నీ రాళ్ల సమస్యను పెంచుతాయి. కెఫిన్ ఎక్కువగా తీసుకోవడం వల్ల తరచుగా మూత్రవిసర్జన వస్తుంది. దీని వల్ల శరీరంలో డీహైడ్రేషన్ ఏర్పడి శరీరంలో నీటిశాతం తగ్గితే కిడ్నీలో రాళ్లు ఏర్పడే అవకాశాలు పెరుగుతాయి. కిడ్నీ స్టోన్స్‌తో బాధపడేవారు బీట్‌రూట్, క్యారెట్, బంగాళాదుంప, బచ్చలికూర వంటి కూరగాయలను తినకూడదు. ఎందుకంటే వాటిలో అధిక మొత్తంలో ఆక్సలేట్ ఉంటుంది. ఇది కిడ్నీ స్టోన్ సమస్యను ప్రోత్సహిస్తుంది. ఆక్సలేట్ కాల్షియం పేరుకుపోతుంది. మూత్రం సజావుగా వెళ్ళనివ్వదు.

ఇది కూడా చదవండి: పిల్లలకు ఈ వయసు వచ్చే వరకు షుగర్‌ పెట్టొద్దు

కిడ్నీ సమస్యతో బాధపడేవారు నాన్ వెజ్‌కు దూరంగా ఉండాలి. ఎందుకంటే వాటిలో అధిక మొత్తంలో ప్రోటీన్, కాల్షియం ఉంటుంది.  ఇది మూత్రపిండాలపై ప్రతికూల ప్రభావం చూపుతుంది. ప్రొటీన్లు అధికంగా ఉండే ఆహారం యూరిక్ యాసిడ్ స్థాయిని పెంచుతుంది. మూత్రపిండాల్లో రాళ్ల పరిమాణాన్ని పెంచుతుంది. అటువంటి రోగులు ముఖ్యంగా రెడ్ మీట్ వినియోగానికి దూరంగా ఉండాలని నిపుణులు చెబుతున్నారు. సోడియం అధికంగా ఉన్న ఆహారాన్ని తినడం వల్ల మూత్రపిండాల్లో రాళ్లు, అదనపు కాల్షియం మూత్రం ద్వారా వెళ్ళే ప్రమాదాన్ని పెంచుతుందని హెచ్చరిస్తున్నారు. జంక్ ఫుడ్, ప్రాసెస్ చేసిన ఆహారాలకు దూరంగా ఉండాలి. ఎందుకంటే వాటిలో ఎక్కువ మొత్తంలో ఉప్పు, నూనె ఉంటుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం. 

Also Read :  10 ఏళ్ళుగా ప్రపంచంలోనే బెస్ట్ సిటీగా ఎంపిక.. ఏ దేశమో తెలుసా..?