Exercise: అతిగా వ్యాయామం చేయడం వల్ల కలిగే అనర్థాలు

Exercise: వ్యాయామం చేయడం మంచిదే కానీ అతిగా వ్యాయామం చేయడం ఆరోగ్యానికి ప్రమాదకరం. గంటల తరబడి వ్యాయామం చేయడం వల్ల గుండె జబ్బులు వచ్చే ప్రమాదం పెరుగుతుంది. వ్యాయామం ఆరోగ్యానికి చాలా మంచిది. దీనితో శరీరం ఆరోగ్యంగా ఉండటంతో పాటు వ్యాధులకు దూరంగా ఉంటుంది. ప్రస్తుత కాలంలో ఫిట్‌గా ఉండటం ఒక ట్రెండ్. కొంతమంది ఇంట్లోనే వ్యాయామం చేస్తుంటే, మరికొందరు జిమ్‌లో గంటల తరబడి వ్యాయామాలు చేస్తుంటారు. కానీ అతిగా వ్యాయామం చేయడం ఆరోగ్యానికి హానికరం అని నిపుణులు హెచ్చరిస్తున్నారు. అధిక వ్యాయామం శారీరక, మానసిక ఆరోగ్యంపై ప్రతికూల ప్రభావాన్ని చూపుతుందని చెబుతున్నారు.

పనితీరు మెరుగుపడుతుంది:

శరీరాన్ని అవసరానికి మించి ఓవర్‌లోడ్ చేయడం వల్ల గాయం అయ్యే ప్రమాదం ఉంది. సురక్షితమైన వ్యాయామం కోసం ప్రతి ఒక్కరూ కొన్ని సూత్రాలను పాటించాలి. విశ్రాంతి అంటే సోమరితనం కాదు, అది కూడా ఫిట్‌నెస్‌లో ఒక భాగం. విశ్రాంతి తీసుకున్నప్పుడు శరీరం కండరాలను మరమ్మతు చేస్తుంది. శక్తిని ఉత్పత్తి చేస్తుంది. శరీరాన్ని బలంగా చేస్తుంది. విశ్రాంతి తీసుకోకపోతే పురోగతి నెమ్మదిస్తుంది. విశ్రాంతి తీసుకోవడం వల్ల శరీర పనితీరు మెరుగుపడుతుంది. ఇది లక్ష్యాలను త్వరగా సాధించడంలో సహాయపడుతుంది. త్వరగా అలసిపోవడం, ప్రేరణ లేకపోవడం, వ్యాయామం చేయాలని అనిపించక పోవడం ఇవన్నీ ఎక్కువసేపు వ్యాయామం చేయడానికి సంకేతాలని నిపుణులు అంటున్నారు. వ్యాయామం కష్టమైన పనిగా అనిపించడం ప్రారంభించినప్పుడు ఆ వ్యాయామం ఎలా చేయాలో ఖచ్చితంగా పరిశీలించాలి.

ఇది కూడా చదవండి: గ్లిజరిన్‌తో ఇలా చేస్తే పొడి చర్మం మృదువుగా మారుతుంది

చాలామంది ఈ సంకేతాలను పట్టించుకోకుండా అతిగా వ్యాయామం చేస్తూనే ఉంటారు. చికాకు, మంచి నిద్ర రాకపోవడం, త్వరగా అలసిపోవడం వంటి సమస్యలను కూడా ఎదుర్కొంటున్నట్లయితే శరీరానికి విశ్రాంతికి సమయం ఇవ్వాలి. కఠినమైన శిక్షణ తర్వాత 24 నుంచి 48 గంటల విశ్రాంతి అవసరం. నిపుణుల అభిప్రాయం ప్రకారం.. శ్రాంతి సమయం వయస్సు, వ్యాయామ స్థాయిపై ఆధారపడి ఉంటుంది. వ్యాయామాల మధ్య శరీరం విశ్రాంతి తీసుకోవడం చాలా ముఖ్యం. దీనివల్ల కండరాలు కూడా బాగుపడతాయి. సరిగ్గా వ్యాయామం చేయకపోవడం వల్ల కూడా గుండె జబ్బులు వస్తాయని డాక్టర్లు అంటున్నారు. శరీర సామర్థ్యానికి మించి పని చేయడం వల్ల గుండెపై ఒత్తిడి పెరుగుతుంది. ఇది గుండె ఆగిపోయే ప్రమాదాన్ని పెంచుతుంది. ఫిట్‌నెస్‌కు వ్యాయామం అవసరం కానీ విశ్రాంతిని విస్మరించకూడదని వైద్యులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: బాదం నూనె వర్సెస్‌ కొబ్బరి నూనె.. ఏది మంచిది?