Coffee: కాఫీ తాగితే ఆయుష్షు డబుల్‌.. ఇది నిజం

Coffee: కాఫీని ప్రపంచవ్యాప్తంగా చాలా మంది ప్రజలు తాగుతారు. ప్రజలు ఉదయం నుండి సాయంత్రం వరకు ఎప్పుడైనా కాఫీ తాగుతారు. ఎందుకంటే ఇది ఎనర్జీ బూస్టర్ డ్రింక్. ఈ సమయంలో కాఫీ తాగితే ఆయుష్షు పెరుగుతుందని తాజా అధ్యయనంలో వెల్లడైంది.  కాఫీ, టీ రెండూ ప్రపంచవ్యాప్తంగా వినియోగించే అత్యంత సాధారణ పానీయాలు. చాలా మంది ఈ పానీయాలతో ఉదయం ప్రారంభిస్తారు. అయితే కాఫీ లేదా టీలు కొన్ని సైడ్ ఎఫెక్ట్స్ ఉన్నందున ఖాళీ కడుపుతో తాగకూడదని ఆరోగ్య నిపుణులు చెబుతుంటారు. 

కాఫీ తాగితే ఆయుష్షు పెరుగుతుంది:

పరిమిత పరిమాణంలో తీసుకుంటే రెండు పానీయాల ఆరోగ్య ప్రయోజనాలను పొందవచ్చు. ఉదయాన్నే కాఫీ తాగితే ఆయుష్షు పెరుగుతుందని తాజా పరిశోధనలో వెల్లడైంది. న్యూట్రిషన్ ఎగ్జామినేషన్ సర్వే ద్వారా 1999-2018 మధ్య 40,725 మందిపై ఈ పరిశోధన జరిగింది. ఈ వ్యవధిలో పరిశోధనా బృందం ప్రజలందరి రోజువారీ ఆహారాన్ని లెక్కించింది. ప్రతి వారం వారిని టెస్ట్‌ చేశారు.

ఇది కూడా చదవండి: రక్తప్రవాహాన్ని పరుగులు పెట్టించే నల్ల యాలకులు

దీనిలో ఉదయం కాఫీ తాగేవారి ఆయుర్దాయం 16% పెంచినట్లు వారు కనుగొన్నారు. రోజులో ఇతర సమయాల్లో కాఫీని తీసుకుంటే దానిలో కొన్ని ప్రతికూలతలు కూడా ఉన్నట్లు కనుక్కున్నారు. వియోన్ నివేదిక ప్రకారం ఉదయాన్నే కాఫీ తాగే వారికి కార్డియో సమస్యలు వచ్చే ప్రమాదం తక్కువ. రోజులో ఏ సమయంలోనైనా కాఫీ తాగే వ్యక్తుల ఆరోగ్యంలో మార్పులు లేవు. ఉదయాన్నే కాఫీ తాగితే, గుండె లేదా కార్డియో సమస్యలు ఉండవని నిర్ధారించడానికి మరింత పరిశోధన అవసరం అంటున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.