Blood flow: రక్తప్రవాహాన్ని పరుగులు పెట్టించే నల్ల యాలకులు

Blood flow: చలికాలంలో వెచ్చని నీరు, సౌకర్యవంతమైన శీతాకాలపు బట్టలు ధరించడం మంచిది. అయితే చలికి బెస్ట్‌  నల్ల యాలకులు. దీనినే పెద్ద యాలకులు అని కూడా అంటారు. చల్లగా అనిపించినప్పుడల్లా వీటిని తినవచ్చు. ఇవి రక్త ప్రవాహాన్ని మెరుగుపరుస్తాయి. దీన్ని తినడం వల్ల జలుబు, దగ్గు నుంచి కూడా ఉపశమనం లభిస్తుంది. నల్ల యాలకులు తినడం వల్ల జీర్ణవ్యవస్థ ఆరోగ్యంగా ఉంటుంది. దీన్ని తినడం వల్ల అనేక ఇతర పొట్ట సంబంధిత సమస్యల నుంచి కూడా ఉపశమనం లభిస్తుంది. నల్ల యాలకులు యాంటీ ఇన్‌ఫ్లమేటరీ గుణాలు కలిగి ఉంటాయి. 

నల్ల యాలకులు వ్యాధుల ప్రమాదానికి చెక్‌:

శరీరంలో మంటను తగ్గించడంలో సహాయపడతాయి. దీన్ని తినడం వల్ల శరీరంలో పేరుకుపోయిన టాక్సిన్స్ సులభంగా తొలగిపోతాయి. దీన్ని తినడం వల్ల సహజసిద్ధంగా శరీరం లోపల ఆరోగ్యంగా ఉంటుంది. ఎసిడిటీ లేదా గ్యాస్ సమస్య ఉంటే నల్ల యాలకులు తీసుకోవడం ద్వారా తగ్గించుకోవచ్చు. ఈ నల్ల యాలకులలో విటమిన్ సి ఉంటుంది. ఇది శరీరంలో రోగనిరోధక శక్తిని పెంచుతుంది. అనేక వ్యాధుల ప్రమాదాన్ని తగ్గిస్తుంది.

ఉదయాన్నే ఖాళీ కడుపుతో నల్ల యాలకులు తినకండి. ఖాళీ కడుపుతో యాలకులు తినడం వల్ల కడుపు, ఛాతీలో చికాకు వంటి సమస్యలు వస్తాయి. ఇది ఎసిడిటీ, మలబద్ధకం, పైల్స్ వంటి వ్యాధుల ప్రమాదాన్ని పెంచుతుంది. కాబట్టి ఖాళీ కడుపుతో నల్ల యాలకులను తినకుండా ఉండాలి. కావాలంటే పచ్చి యాలకులను పాలతో కలిపి ఖాళీ కడుపుతో తీసుకోవచ్చు. పాలు రుచిని మెరుగుపరచడమే కాకుండా శరీరానికి కూడా మేలు చేస్తాయి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మధుమేహం ఉన్నవారు కంటిచూపు ఇలా మెరుగుపర్చుకోండి