Signs of Weak Person: ఈ 13 లక్షణాలు మీలో ఉన్నాయా..? అయితే మీ లైఫ్ మటాషే!

Signs of Weak Person: ప్రతి వ్యక్తికీ సహజంగా బలాలు, బలహీనతలు అనేవి ఉంటాయి. కానీ కొందరిలో బలహీనతలు ఎక్కువై, వారి జీవితానికి అడ్డుగోడలుగా మారతాయి. ఇవి గుర్తించకపోతే, మన వ్యక్తిత్వాన్ని, సంబంధాలను, భవిష్యత్తును దెబ్బతీసే అవకాశం ఉంటుంది. ఈ ఆర్టికల్ లో 13 సాధారణమైన బలహీనత లక్షణాల గురించి తెలుసుకుందాం - ఇవి మీలో కూడా ఉన్నాయా అని చెక్ చేసుకోండి.

1. “NO” అని చెప్పలేకపోవడం..

ప్రతి ఒక్కరినీ సంతోషపెట్టాలనే మనస్సు మంచిదే. కానీ, ఒక్కోసారి "NO" అని చెప్పలేకపోతే మనపై ఇతరులు ప్రభావం చూపించడం మొదలవుతుంది. ఇది మన స్వతంత్రతను కోల్పోయే మొదటి అడుగు.

2. అశ్లీల వీడియోలు చూసే అలవాటు..
ఇలాంటి విషయాలపై ఎక్కువ ఆసక్తి ఉండడం అనేది మన మనసుపై చెడు ప్రభావం చూపుతుంది. మన సమయాన్ని వృధా చేస్తూ, ఫోకస్‌ను తగ్గిస్తుంది, అసలైన జీవిత లక్ష్యాల నుంచి దూరం చేస్తుంది.

3. “ఇది మారదు” అనుకునే ఆలోచన..
తమ సమస్యల గురించి, వాటిని మార్చే శక్తి తమలో లేదనుకునేవారు నిజంగా బలహీనవారు. మార్పు మన చేతుల్లోనే ఉంటుంది - నమ్మకమే మొదటి అడుగు.

4. చెడు అలవాట్లకు బానిస.. 
ధూమపానం, ఆలస్యంగా నిద్ర లేవడం, పనులు వాయిదా వేయడం వంటివి అలవాట్లను మనం మానలేకపోతుంటే, అది మనలోని  బలహీనతను సూచిస్తుంది.

5. ఇతరుల గురించి వారి వెనుక మాటలు మాట్లాడటం..
సామన్యంగా ఎదుటివారితో నిజంగా ఎదురుగా మాట్లాడలేని వారు మాత్రమే వెనుక మాటలు చెబుతారు. ఇది మనపై ఉండే నమ్మకాన్ని కోల్పోయే లక్షణం.

Also Read: ఈ వారం ఓటీటీ, థియేటర్ లో రచ్చ రచ్చ.. ఫుల్ సినిమాలు లిస్ట్ ఇదే

6. విమర్శను స్వీకరించలేకపోవడం..
విమర్శ ఒక అభివృద్ధికి అవకాశమవుతుంది. దానిని తీసుకోలేని వారు ఎదగలేరు. ఇది మన మానసిక బలానికి ప్రతీక.

7. ఇతరుల అభిప్రాయాలకు అలవోకగా తలవంచడం..
మన నిర్ణయాలు, అభిప్రాయాలు ఇతరుల మాటల ప్రభావంతో మారిపోతుంటే, మనలో ఆత్మవిశ్వాసం తక్కువగా ఉందన్న అర్థం.

Also Read: వీడసలు మనిషేనా.. రూ.20 కోసం కన్నతల్లిని చంపిన కసాయి.. ఎక్కడంటే?

8. నిర్ణయాలు తీసుకోవడంలో తడబాటు..
సాధారణంగా చిన్న విషయాల్లో కూడా నిర్ణయాలు తీసుకోలేకపోతే, జీవితంలో ముందుకు పోవడం కష్టం అవుతుంది. ఇది భయం, సందేహానికి సంకేతం.

9. సమస్యలకు బాధ్యత తీసుకోకుండా, ఇతరులపై నెట్టేయడం.. 
ఇతరుల కారణంగా తాను దురదృష్టవంతుడిని అనుకునే వ్యక్తి, జీవితంలో ఎప్పుడూ బాధితుడిగానే మిగిలిపోతాడు.

10. బాధ్యతల కన్నా వినోదానికే ప్రాధాన్యం ఇవ్వడం..
ఆడుకోవడం, ఫన్ ఉండటం తప్పు కాదు. కానీ జీవితంలో ముఖ్యమైన విషయాలను విస్మరించి, మేలు చేసేవాటిని వదిలిపెట్టి సరదాకు ఆసక్తి చూపడం బలహీనతకు సంకేతం.

11. తన పని మీద తనకు కంట్రోల్ లేకపోవడం..
ఎప్పుడూ ఇతరుల మాటలపై ఆధారపడటం, బాధ్యత తీసుకోకుండా ఉండటం వ్యక్తిత్వం లోపాన్ని చూపిస్తుంది.

12. తన మీద తాను నమ్మకం లేకపోవడం..
"నేను పనికిరాను", "నాకు చేతకాదు" అన్న భావన మనలో నిండిపోతే, మన ప్రయత్నాలు కూడా ఆలోచనలకే పరిమితం అవుతాయి.

Also Read: లోక్‌సభలో పహల్గాం ఉగ్రదాడిపై చర్చించాలని విపక్షాల పట్టు.. సభ వాయిదా

13. స్నేహితులు, కుటుంబంతో సంబంధాలు కోల్పోవడం..
తనకు అవసరం ఉన్నవారిని పట్టించుకోకపోవడం, కలుసుకోకపోవడం లేదా మాట్లాడకపోవడం ఒంటరితనానికి సంకేతం. ఇది లోపలి బలహీనతను సూచిస్తుంది.

ఈ 13 లక్షణాలు మనలో ఉన్నాయా అని మనం ఆత్మపరిశీలన చేసుకోవాలి. ఇవి ఉంటే మనలో బలహీనత ఉందన్న అర్థం కాదు -  కానీ, వాటిని గుర్తించి, పరిష్కరించేందుకు ప్రయత్నించడమే నిజమైన బలమైన వ్యక్తిత్వం. మీ వ్యక్తిత్వాన్ని తీర్చిదిద్దుకోవాలనుకుంటే, ఈ లక్షణాలపై కృషి చేయండి. మార్పు ఇప్పుడే మొదలు పెట్టండి.