LIC: ఎల్ఐసీ పెట్టుబడి పెట్టిన ఆ షేర్లతో కోట్లరూపాయల లాభం!

LIC Shares: ప్రభుత్వ రంగ బీమా కంపెనీ LIC 2023-24 ఆర్థిక సంవత్సరంలో అదానీ గ్రూప్ (Adani Group) కంపెనీల్లో చేసిన పెట్టుబడుల విలువలో 59 శాతం లాభాన్ని నమోదు చేసింది. అమెరికన్ షార్ట్ సెల్లర్ హిండెన్‌బర్గ్ నివేదిక ద్వారా ప్రభావితమైన తర్వాత గ్రూప్ షేర్లు బలమైన పునరాగమనం చేశాయి. స్టాక్ మార్కెట్ డేటా (Stock Market Data) ప్రకారం, ఏడు అదానీ గ్రూప్ కంపెనీల్లో ఎల్‌ఐసి మొత్తం పెట్టుబడి మార్చి 31, 2023న రూ.38,471 కోట్ల నుంచి మార్చి 31, 2024 నాటికి రూ.61,210 కోట్లకు పెరిగింది. ఇందులో రూ.22,378 కోట్ల పెరుగుదల నమోదైంది.

Also Read: ఆన్ లైన్ లో ఐపీవో లో ఇన్వెస్ట్మెంట్ ఎలా చేయాలి?

హిండెన్‌బర్గ్ నివేదికలో అదానీ షేర్లలో అవకతవకలు జరిగాయన్న ఆరోపణల నేపథ్యంలో గత సంవత్సరం, బీమా కంపెనీ గ్రూప్‌లో పెట్టుబడి పెట్టాలనే నిర్ణయంపై అందరి నుంచీ ప్రశ్నలను కూడా ఎదుర్కొంది. అయితే, అదానీ గ్రూప్ ఆ నివేదిక పూర్తిగా అబద్ధమని పేర్కొంది. రాజకీయ ఒత్తిళ్లను ఎదుర్కొని, LIC రెండు కీలకమైన గ్రూప్ కంపెనీలలో తన పెట్టుబడిని వ్యూహాత్మకంగా తగ్గించుకుంది - అదానీ పోర్ట్స్ & SEZ అలాగే అదానీ ఎంటర్‌ప్రైజెస్ ఆ రెండు కంపెనీలు. కానీ, ఈ ఆర్థికసంవత్సరంలో ఈ రెండు కంపెనీల షేర్లు వరుసగా 83 శాతం, 68.4 శాతం పెరిగాయి.

స్టాక్ మార్కెట్ డేటా ప్రకారం, పెట్టుబడిని తగ్గించినప్పటికీ, LIC 2023-24 ఆర్థిక సంవత్సరంలో అదానీ గ్రూప్‌లో తన పెట్టుబడిపై 59 శాతం లాభాన్ని ఆర్జించింది. ఈ కాలంలో, చాలా మంది విదేశీ పెట్టుబడిదారులు - ఖతార్ ఇన్వెస్ట్‌మెంట్ అథారిటీ, అబుదాబికి చెందిన IHC, ఫ్రెంచ్ దిగ్గజం టోటల్ ఎనర్జీ, US-ఆధారిత GQG ఇన్వెస్ట్‌మెంట్‌లు అదానీ గ్రూప్ కంపెనీలలో సుమారు రూ. 45,000 కోట్లు పెట్టుబడి పెట్టారు.

డేటా ప్రకారం, అదానీ ఎంటర్‌ప్రైజ్ లిమిటెడ్‌లో ఎల్‌ఐసి పెట్టుబడి మార్చి 31, 2023న రూ. 8,495.31 కోట్ల నుంచి ఏడాది తర్వాత రూ.14,305.53 కోట్లకు పెరిగింది. ఈ కాలంలో అదానీ పోర్ట్స్‌, సెజ్‌లలో పెట్టుబడులు రూ.12,450.09 కోట్ల నుంచి రూ.22,776.89 కోట్లకు పెరిగాయి. అదానీ గ్రీన్ ఎనర్జీ లిమిటెడ్‌లో LIC పెట్టుబడి ఏడాదిలో రెండింతలు పెరిగి రూ.3,937.62 కోట్లకు చేరుకుంది.