IMD : ఈ సంవత్సరం భారీ వర్షాలు కురిసే అవకాశాలు.. ఐఎండీ ప్రకటన!

India Meteorological Department : గతేడాది సూర్యుడు తన తీవ్ర ప్రతాపాన్ని చూపించాడు. ఈ ఏడాది కూడా జనవరి నెల చివరి వారం నుంచే తన ప్రతాపాన్ని చూపుతున్నాడు . ఈ క్రమంలోనే ఐఎండీ(IMD) ఓ చల్లని వార్తను అందించింది. గతేడాది వేడి వాతావరణం తరువాత ఎల్‌నినో పరిస్థితులు ఈ ఏడాది జూన్‌ నాటికి ముగుస్తాయని , దాంతో ఈసారి దేశంలో అతి త్వరగా రుతుపవనాలు ఏర్పడే అవకాశాలున్నాయని ఐఎండీ పేర్కొంది.

ప్రపంచవ్యాప్తంగా వాతావరణాన్ని(Weather) ప్రభావితం చేసే 'ఎల్ నినో(ELNINO)' బలహీనపడటం ప్రారంభించిందని, ఆగస్టు నాటికి 'లా నినా' పరిస్థితులు ఏర్పడే అవకాశం ఉందని పలు వాతావరణ సంస్థలు గత వారం ప్రకటించాయి. అటువంటి పరిస్థితిలో, ఈ సంవత్సరం రుతుపవనాల సమయంలో భారతదేశంలో మంచి వర్షాలు కురిసే అవకాశం ఉంది. ఎల్ నిలో అనేది భూమధ్యరేఖ పసిఫిక్ మహాసముద్రంలోని నీటిని వేడెక్కించే ప్రక్రియ.

ఈ ఏడాది మంచి వర్షాలు కురుస్తాయి: IMD

జూన్-ఆగస్టు నుంచి 'లా నినా' పరిస్థితులు ఏర్పడటం వల్ల గతేడాది కంటే ఈ ఏడాది రుతుపవనాల వర్షాలు మెరుగ్గా కురుస్తాయని భారత వాతావరణ నిపుణులు చెబుతున్నారు. జూన్-జూలై నాటికి 'లా నినా' పరిస్థితి వచ్చే అవకాశం ఉందని, దీని వల్ల మంచి వర్షాలు కురుస్తాయని ఎర్త్ సైన్సెస్ మంత్రిత్వ శాఖ మాజీ కార్యదర్శి మాధవన్ రాజీవన్ అన్నారు.

"ఎల్‌నినో తటస్థంగా మారినప్పటికీ, ఈ సంవత్సరం రుతుపవనాలు గత సంవత్సరం కంటే మెరుగ్గా ఉంటాయి." భారతదేశ వార్షిక వర్షపాతంలో 70 శాతం నైరుతి రుతుపవనాల నుండి వస్తుందని, ఇది వ్యవసాయ రంగానికి ముఖ్యమైనదని అధికారులు తెలియజేశారు. .
ఏప్రిల్-జూన్ నాటికి 'ఎల్ నినో' 'ENSO - న్యూట్రల్'గా మారే అవకాశం 79 శాతం ఉందని, జూన్‌లో 'లా నినా' అభివృద్ధి చెందే అవకాశం 55 శాతం ఉందని US నేషనల్ ఓషియానిక్ అండ్ అట్మాస్ఫియరిక్ అడ్మినిస్ట్రేషన్(NOAA) తెలిపింది.

దీనితో పాటు, 'ఎల్ నినో' ఇప్పుడు బలహీనపడటం ప్రారంభించిందని యూరోపియన్ యూనియన్‌కు చెందిన కోపర్నికస్ క్లైమేట్ చేంజ్ సర్వీస్ ధృవీకరించింది.

Also Read : ఇది షాకింగ్.. ఎక్కువ పన్ను కడుతున్నది కార్పొరేట్లు కాదు.. ఎవరంటే..

ఈ ఏడాది భారీ వర్షాలు

బలమైన ఎల్ నినో బలహీనపడిన తర్వాత లా నినా సంభవించే ధోరణి ఉందని NOAA తెలిపింది. ఎల్ నినో పరిస్థితులు 2024 మొదటి సగం వరకు అంటే మే జూన్ వరకు కొనసాగుతాయని అధికారి పాయ్ చెప్పారు. అదే సమయంలో, ప్రపంచ వాతావరణ సంస్థ (WMO) ఈ సంవత్సరం 2023 కంటే వేడిగా ఉంటుందని అంచనా వేసింది. దీనిపై పై మాట్లాడుతూ, "లా నినా అభివృద్ధి చెందితే, ప్రస్తుత సంవత్సరం 2023 కంటే వేడిగా ఉండదని పేర్కొన్నారు.

అదే సమయంలో, భారత వాతావరణ శాస్త్రవేత్త రాక్సీ మాథ్యూ కోల్ మాట్లాడుతూ, తాజా అంచనాలు జూన్ నాటికి లా నినాలో ఆకస్మిక మార్పును సూచిస్తున్నాయని, దీని ఫలితంగా ఈ సంవత్సరం భారతదేశంలో మంచి రుతుపవన వర్షాలు కురుస్తాయని చెప్పారు.

Also read: నేడు లక్ష మందికి నియామక పత్రాలు అందజేయనున్న మోడీ!