8 రోజులు..14 రోజులు..30 రోజులు అంటూ రాసుకొచ్చిన రౌడీ హీరో!

టాలీవుడ్ రౌడీ హీరో విజయ్ దేవరకొండ వరుస సినిమాలతో బిజీగా ఉన్నాడు. మరి కొద్ది రోజుల్లో విజయ్ , సమంత జంటగా నటించిన ఖుషి సినిమా ప్రేక్షకుల ముందుకు రాబోతుంది. ఇటీవలే ఈ సినిమా షూటింగ్ పూర్తి చేసుకుంది.

ఈ సినిమా కోసం విజయ్‌ ఫ్యాన్స్‌, సామ్ ఫ్యాన్స్ ఎంతోగానో ఎదురుచూస్తున్నారు. లైగర్ ప్లాప్ అయిన తరువాత ఖుషి సినిమా విజయం సాధిస్తుందనే నమ్మకంతో ఉన్నాడు విజయ్‌. ఫ్యాన్స్‌ కూడా విజయం సాధించాలని కోరుకుంటున్నారు.

ఇప్పటికే ఈ సినిమా నుంచి విడుదలైన పాటలు హిట్ అయ్యాయి.దీంతో విజయ్‌ దేవరకొండ, సమంత జంటకు మంచి క్రేజ్ ఏర్పడింది. ఈ సినిమా సెప్టెంబర్‌ 1 న విడుదల కాబోతుందని మేకర్స్ అధికారికంగా ప్రకటించారు.

విడుదల తేదీ దగ్గరకు వస్తుండటంతో ప్రమోషన్స్ లో మరింత స్పీడ్ పెంచాలని చూస్తున్నారు. తాజాగా విజయ్‌ సోషల్ మీడియాలో ఓ పోస్ట్ చేశాడు. అందులో 8 రోజులు, 14 రోజులు, 30 రోజులు అంటూ విజయ్‌ ఒక ట్వీట్ చేయగా..ఇందులో 8 రోజులు అనేది ట్రైలర్‌ విడుదల తేదీ అని అంతా అనుకుంటున్నారు.

ఇక 14 రోజులు అంటే ఏంటో తెలియాల్సి ఉంది. అంతే కాకుండా 30 రోజులు అంటే సినిమా విడుదల తేదీ అని తెలుస్తుంది. మొత్తానికి విజయ్‌ అలా హింట్‌ ఇచ్చాడు. విజయ్‌ ఇచ్చిన హింట్ ప్రకారం..ఈ సినిమా ట్రైలర్ ఆగస్ట్ 9 న విడుదల అవుతుందో లేదో చూడాలి.