Jupiter : గురుగ్రహంపై భారీ తుఫాన్లు.. ఫొటోలు విడుదల చేసిన నాసా

Rains In Jupiter : మన సౌర కుటుంబంలో పెద్ద గ్రహమైన గురుగ్రహం(Jupiter) పై భారీ తుఫాన్లు ఉన్నాయి. అందుకు సంబంధించిన ఫొటోలను అమెరికా అంతరిక్ష పరిశోధనా సంస్థ నాసా(NASA) సోషల్ మీడియా(Social Media) లో రిలీజ్ చేసింది.

“సూర్యుడి నుంచి ఐదో గ్రహమైన గురుగ్రహంపై ఏర్పడిన తుఫానులు ఇవి. ఇలా మొత్తం గ్రహాన్ని చుట్టుముట్టేశాయి. మన జునో మిషన్ ఈ ఫొటోలను తీసింది. గురుగ్రహంపై ఘన ఉపరితల ప్రదేశం ఏదీ లేదు కాబట్టి.. ఇక్కడ తుఫానులు కొన్నేళ్లు, దశాబ్దాలు లేదా కొన్ని వందల సంవత్సరాలు కొనసాగుతాయి. గంటకు 643 కిలోమీటర్ల వేగంతో ప్రచండ గాలులు వీస్తాయి” అని నాసా తన పోస్టుకు క్యాప్షన్‌ ఇచ్చింది.