Jr NTR : ఎన్టీఆర్ తో సందీప్ రెడ్డి వంగా.. ఇది కదా కాంబినేషన్ అంటే

Junior NTR - Sandeep Reddy Vanga : మ్యాన్ ఆఫ్ మాసెస్ జూనియర్ ఎన్టీఆర్ ప్రస్తుతం ట్విట్టర్ లో తెగ ట్రెండ్ అవుతున్నారు. అందుకు కారణం ఓ సెన్సేషనల్ డైరెక్టర్ తో కలిసి తారక్ కనిపించడమే. అతను మరెవరో కాదు గత ఏడాది 'యానిమల్' తో బాక్సాఫీస్ దగ్గర సత్తా చాటిన సందీప్ రెడ్డి వంగా. ఈ క్రేజీ డైరెక్టర్‌.. జూనియర్ ఎన్టీఆర్‌ తో కలిసి ఉన్న ఫొటో ఒకటి ఇప్పుడు నెట్టింట టాక్‌ ఆఫ్ ది టౌన్‌గా మారింది.

సందీప్‌ రెడ్డి వంగా, తారక్‌ చర్చించుకుంటున్న స్టిల్‌ చూసిన మూవీ లవర్స్‌.. ఏంటీ ఈ ఇద్దరు సినిమాకు ఏమైనా ప్లాన్ చేస్తున్నారా..? అంటూ మాట్లాడుకుంటున్నారు. అయితే ఈ క్రేజీ స్టార్స్ కలుసుకోవడం వెనుక సీక్రెట్‌ ఏమీ లేదని.. ఇద్దరిదీ కేవలం సరదా డిస్కషన్‌ మాత్రమేనని ఇన్‌సైడ్‌ టాక్‌.

ఇదిలా ఉంటే అభిమానులు మాత్రం ఈ ఇద్దరి కాంబోలో సినిమా పడితే బాక్సాఫీస్ షేక్ అవుతుందని కామెంట్స్ చేస్తున్నారు. మరి రానున్న రోజుల్లో వీరి కలయికలో సినిమా ఉంటుందేమో చూడాలి. ఇక ఎన్టీఆర్ లేటెస్ట్ గా నటించిన 'దేవర' మూవీ సెప్టెంబర్ 27 న ప్రేక్షకుల ముందుకు రానుంది. రేపు ముంబైలో ట్రైలర్ రిలీజ్ చేస్తున్నారు.