RRB Railway Jobs 2025: టెన్త్, ఇంటర్ అర్హతతో రైల్వేలో ఉద్యోగాలకు నోటిఫికేషన్.. జీతం ఎంతంటే?

పారామెడికల్ ఉద్యోగాల భర్తీకి రైల్వే రిక్రూట్‌మెంట్ బోర్డు (RRB) సికింద్రాబాద్ ఒక భారీ నోటిఫికేషన్ విడుదల చేసింది. దేశవ్యాప్తంగా వివిధ రైల్వే జోన్లలో ఖాళీగా ఉన్న 434 పారామెడికల్ పోస్టులను భర్తీ చేయనున్నారు. ఈ ఉద్యోగాలకు ఆన్‌లైన్ దరఖాస్తు ప్రక్రియ ప్రారంభమైంది. అర్హత గల అభ్యర్థులు తమ దరఖాస్తులను ఆర్‌ఆర్‌బీ అఫీషియల్ వెబ్‌సైట్ ద్వారా సబ్మిట్ చేయవచ్చు.

ఈ నోటిఫికేషన్ ద్వారా పలు పారామెడికల్ పోస్టులను భర్తీ చేయనున్నారు. వాటిలో నర్సింగ్‌ సూపరింటెండెంట్‌, డయాలిసిస్‌ టెక్నీషియన్‌, హెల్త్‌ అండ్‌ మలేరియా ఇన్‌స్పెక్టర్‌ గ్రేడ్‌-2, ఫార్మసిస్ట్‌, ఈసీజీ టెక్నీషియన్‌ వంటి పోస్టులు ఉన్నాయి. ఈ ఉద్యోగాలకు సంబంధించిన పూర్తి వివరాలు, అర్హతలు, దరఖాస్తు విధానం వంటి సమాచారం కోసం ఇప్పుడు తెలుసుకుందాం. 

పోస్టుల వివరాలు:

నర్సింగ్‌ సూపరింటెండెంట్‌: 272 పోస్టులు

డయాలిసిస్‌ టెక్నీషియన్‌: 04 పోస్టులు

హెల్త్‌ అండ్‌ మలేరియా ఇన్‌స్పెక్టర్‌ గ్రేడ్‌-2: 33 పోస్టులు

ఫార్మసిస్ట్‌ (ఎంట్రీ గ్రేడ్): 105 పోస్టులు

రేడియోగ్రాఫర్‌ ఎక్స్‌రే టెక్నీషియన్‌: 04

ఈసీజీ టెక్నీషియన్‌: 04 పోస్టులు

లాబోరేటరీ టెక్నీషియన్‌ గ్రేడ్‌-2: 12 పోస్టులు

దరఖాస్తు విధానం:

అభ్యర్థులు ఆర్‌ఆర్‌బీ అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. అభ్యర్థులు తమ దరఖాస్తును సబ్మిట్ చేసే ముందు నోటిఫికేషన్‌ను పూర్తిగా చదివి, అర్హత ప్రమాణాలను నిర్ధారించుకోవాలి. 

అర్హత: 

అభ్యర్థులు పోస్టులను బట్టి సంబంధిత విభాగంలో BSC నర్సింగ్, BSC, డిప్లొమా, 10+2 లేదా ఫార్మసి, రేడియోగ్రఫిలో డిప్లొమా, డిగ్రీ, DMLTలో ఉత్తీర్ణత పొంది ఉండాలి.

వయోపరిమితి:

పోస్టును బట్టి కనీస వయస్సు 18 సంవత్సరాల నుంచి గరిష్ట వయస్సు 40 సంవత్సరాల మధ్య ఉండాలి. ఓబీసీ, ఎస్సీ, ఎస్టీ అభ్యర్థులకు వయోపరిమితిలో సడలింపు ఉంటుంది.

దరఖాస్తు రుసుము:

జనరల్‌, OBC, ఈడబ్ల్యూఎస్‌  అభ్యర్థులకు రూ. 500

SC, ST, మైనారిటీ, EBC, పీడబ్ల్యూబీడీ, ESM, మహిళా, ట్రాన్స్‌జెండర్‌ అభ్యర్థులకు రూ. 250

ఈ ఉద్యోగాలకు సంబంధించి రాత పరీక్ష, సర్టిఫికెట్ వెరిఫికేషన్, మెడికల్ ఎగ్జామినేషన్ ఆధారంగా ఎంపిక ప్రక్రియ ఉంటుంది. రైల్వే శాఖలో పారామెడికల్ విభాగంలో ఉద్యోగం పొందాలనుకునేవారికి ఇది ఒక మంచి అవకాశం. మరిన్ని వివరాలకు ఆర్‌ఆర్‌బీ అధికారిక వెబ్‌సైట్‌ను సందర్శించగలరు.

ఆన్‌లైన్ చివరితేదీ:

సెప్టెంబర్‌ 18, 2025వ తేదీలోపు దరఖాస్తు చేసుకోవచ్చు.

పోస్టుల వారీగా నెలకు జీతభత్యాలు

నర్సింగ్‌ సూపరింటెండెంట్‌: రూ.44,900
డయాలిసిస్‌ టెక్నీషియన్‌, హెల్త్‌ & మలేరియా ఇన్‌స్పెక్టర్‌ : రూ.35,400
ఫార్మసిస్ట్‌, రేడియోగ్రాఫర్‌ ఎక్స్‌-రే టెక్నీషియన్‌ : రూ.29,200
ఈసీజీ టెక్నీషియన్‌ : రూ.25,500
లాబోరేటరీ అసిస్టెంట్‌ : రూ.21,700.