ISRO Scientist Salary: ఇస్రో సైంటిస్ట్ శాలరీ ఎంత? ప్రస్తుతం జాబ్‌ ఓపెనింగ్స్‌ ఎన్ని ఉన్నాయి?

ISRO Scientist Salary: చంద్రయాన్-3 (Chandrayaan-3)విజయవంతంగా ల్యాండ్ కావడం, తొలి సోలార్ మిషన్ ఆదిత్య ఎల్-1 (Aditya-L1) ప్రయోగంతో భారత అంతరిక్ష పరిశోధనా సంస్థ (ఇస్రో) అంతర్జాతీయ దృష్టిని ఆకర్షించింది. ఈ విజయాల వెనుక దేశ అంతరిక్ష ప్రాజెక్టును ముందుకు తీసుకెళ్లడానికి కృషి చేసిన సైంటిస్టుల గురించి సర్వత్రా చర్చ జరుగుతోంది. మరి వారి జీతం ఎంతో తెలుసా?

జీతం:
ఇస్రో(ISRO) సైంటిస్ట్ ఇంజనీర్ (ఎస్సీ) ప్రారంభ వేతనం(Starting salary) రూ.84,360. ఇందులో ట్రావెల్ బెనిఫిట్స్, హౌసింగ్ రెంట్ బెనిఫిట్స్ (హెచ్ఆర్ఏ), డియర్నెస్ బెనిఫిట్స్ లాంటి పలు రకాల బెనిఫిట్స్ ఉన్నాయి. తగ్గింపుల తర్వాత నికర వేతనం(In-Hand)సుమారు రూ.72,360గా ఉంది. 7th పే కమిషన్‌ ప్రకారం ఈ శాలరీ ఉంది. ఇస్రో సిబ్బందితో సహా భారతదేశంలో, 7వ వేతన సంఘం కొత్త వేతన వ్యవస్థను అమలు చేసింది. అయితే ఈ కమిషన్ "గ్రేడ్ పే" ఆలోచన స్థానంలో "పే లెవల్" విధానాన్ని ప్రవేశపెట్టింది. గ్రేడ్ పేకు బదులుగా, ప్రతి పొజిషన్ కు ఒక నిర్దిష్ట వేతన స్థాయి ఉంటుంది.

ఇస్రో ఖాళీలు:
ప్రస్తుతం ఇస్రో పలు పోస్టులకు దరఖాస్తులను ఆహ్వానిస్తోంది. తన అధికారిక వెబ్సైట్‌ isro.gov.in లో సైంటిస్టు, ఇంజినీర్ పోస్టులకు 65 ఖాళీలు ఉన్నట్లు ఇస్రో ప్రకటించింది.

చంద్రయాన్-3 ల్యాండింగ్, ఆదిత్య-ఎల్1 ప్రయోగం:
మరోవైపు చంద్రయాన్‌-3 సక్సెస్.. ఆదిత్య ఎల్‌-1 దూకుడుతో ఇస్రో రేంజ్‌ ఏంటో ప్రపంచానికి తెలిసి వచ్చించి. ఇక చంద్రయాన్-3కి చెందిన ప్రజ్ఞాన్ రోవర్ స్లీప్‌ మోడ్‌లోకి జారుకున్నట్లు భారత అంతరిక్ష పరిశోధన సంస్థ (ఇస్రో) తెలిపింది. సెప్టెంబర్ 22న రోవర్‌ను మేల్కొల్పాలని స్పేస్ ఏజెన్సీ భావిస్తోంది. ప్రజ్ఞాన్ రోవర్‌లో రెండు పేలోడ్స్ ఉన్నాయి. ఆల్ఫా పార్టికల్ ఎక్స్-రే స్పెక్ట్రోమీటర్ లేజర్ ప్రేరిత బ్రేక్డౌన్ స్పెక్ట్రోస్కోప్. ల్యాండర్ ద్వారా భూమికి డేటాను చేరవేసే పేలోడ్లను ఆఫ్ చేసినట్లు ఇస్రో తెలిపింది. ప్రస్తుతం బ్యాటరీ పూర్తిగా చార్జ్ అయింది.సెప్టెంబర్ 22 సూర్యోదయానికి ఈ సోలార్ ప్యానెల్ కాంతిని అందుకుంటుంది. రిసీవర్ ఆన్‌లో ఉంటుంది.

ALSO READ: షార్‌లో విషాదం.. వాయిస్ ఆఫ్ ఇస్రో, శాస్త్రవేత్త వలర్మతి ఇక లేరు!

ALSO READ: ఇస్రో సైంటిస్టుల ఎనర్జీ సీక్రేట్‌ మసాలా దోస.. ఇది చదివితే మీరు కూడా ఆ టైమ్‌లో తింటారు!