Tea VS Coffee: ఉదయం కాఫీ కంటే టీ తాగడం మంచిదా? రెండింటిలో ఏది బెస్ట్...!!

పొద్దున్నే నిద్ర లేవగానే మీరు చేసే మొదటి పని ఏంటని అడిగితే చాలామంది టీ కానీ కాఫీ (Tea VS Coffee) కానీ తాగుతామని చెబుతుంటారు. అయితే ఈ రెండింటిని ఉదయాన్నే తీసుకోవడం వల్ల రోజంతా యాక్టివ్ గా ఉంటారని చాలామంది నమ్ముతుంటారు. కానీ ఉదయాన్నే టీ కానీ కాఫీ కానీ తాగుతే..ఇది మీ జీర్ణక్రియ ప్రక్రియను ప్రభావితం చేసుస్తుంది. ఖాళీ కడుపుతో టీ కానీ కాఫీ కానీ తాగినట్లయితే ఎసిడిటీ, గ్యాస్, అజీర్ణం వంటి సమస్యలకు గురవుతుంటారు. ఈ రెండింటిలో కెఫీన్ ఎక్కువగా ఉంటుంది కాబట్టి...హెర్బల్ టీలు తాగడం మంచిదని ఆరోగ్య నిపుణులు చెబుతున్నారు.

కాఫీ vs టీ, ఏది మంచిది?
కాఫీ కంటే టీలో కెఫీన్ తక్కువగా ఉంటుంది. కాఫీ లాగా, టీ కూడా ఉదయం అలసటను అధిగమించడంలో సహాయపడుతుంది. కేవలం కాఫీ, టీ కంటే ఎక్కువ శక్తిని ఇస్తుంది. కానీ ఖాళీ కడుపుతో తాగుతే ప్రతికూలతలు కూడా భిన్నంగా ఉంటాయి. ఇంకా, టీలోని కెఫిన్ మీకు ఉదయాన్నే నిద్రలేవడానికి... మీ మెదడును చురుకుగా ఉంచేందుకు సహాయపడుతుంది. టీలో ఎల్-థియానైన్, అమైనో ఆమ్లాలు కూడా ఉన్నాయి. ఇవి జీవక్రియను సక్రియం చేయడంలో సహాయపడతాయి. ఉదయం కాఫీ కంటే టీ తాగడమే ఉత్తమం. ఉదయం ఒక్క కప్పు టీ తాగడం వల్ల ఎలాంటి దుష్ప్రభావాలు ఉండవు. కానీ ఎక్కువగా కెఫీన్ తీసుకోవడం వల్ల గ్యాస్ ,జీర్ణవ్యవస్థకు సంబంధించిన సమస్యలను ఎదుర్కొవల్సి వస్తుంది.

అయితే, కాఫీలో కెఫిన్ అధిక స్థాయిలో ఉండటం వల్ల ఉదయం మీ కడుపుపై ప్రభావం చూపుతుంది. దీని కారణంగా, మీ జీవక్రియ రేటు వేగంగా ఉంటుంది. యాసిడ్ బైల్ జ్యూస్ ఉత్పత్తి పెరుగుతుంది. ఈ కారణంగా మీరు రోజంతా సరిగ్గా ఆహారం తీసుకోకపోతే, మీ శరీరంలో అసిడిటీ ఏర్పడుతుంది. అయితే అరకప్పు టీ తాగితే ఈ సమస్య దరిచేరదు. కాబట్టి, ఈ దృక్కోణంలో, ఉదయం టీ తాగడం మంచి ఎంపిక.

మీ శరీరంలోకి వెళ్ళే కెఫిన్ మొత్తాన్ని సమతుల్యం చేసి నియంత్రించాలి. తక్కువ మొత్తంలో తీసుకోవాలి. కొంతమంది రోజులో 7 నుంచి 8 సార్లు టీ, కాఫీ తాగుతుంటారు. అలా కాకుండా రోజుకు ఒకటి లేదా రెండు సార్లు తాగడం మంచిదని ఆరోగ్య నిపుణులు చెబుతున్నారు. అయితే ఉదయం ఖాళీ కడుపుతో టీ తాగినప్పుడు...రెండు బిస్కెట్స్ కూడా తినడం అలవాటు చేసుకోవాలని చెబుతున్నారు.