జేఎన్‌టీయూలో ఆన్‌లైన్‌ సర్టిఫికెట్‌ కోర్సులకు ఆహ్వానం.. పూర్తి అర్హతలివే

NTUH Online Admissions: హైదరాబాద్‌లోని జవహర్‌లాల్‌ నెహ్రూ టెక్నలాజికల్ యూనివర్సిటీ గుడ్ న్యూస్ చెప్పింది. తమ పరిధిలోని డైరెక్టరేట్‌ ఆఫ్‌ ఇన్నోవేటివ్‌ లెర్నింగ్‌ అండ్‌ టీచింగ్‌కు సంబంధించి నవంబర్‌ 2023-2024 విద్యా సంవత్సరానికి గానూ ఆన్‌లైన్‌ సర్టిఫికెట్‌ కోర్సుల్లో ప్రవేశాలకు దరఖాస్తులు కోరుతోంది. ఆన్‌లైన్‌ కోర్సు వ్యవధి 6 నెలలు ఉంటుంది. ఆసక్తి కలిగిన వారు ఆన్‌లైన్‌ విధానంలో అధికారిక వెబ్‌సైట్‌లో దరఖాస్తు చేసుకోవచ్చు. డిప్లొమా, డిగ్రీ, పీజీలో ఉత్తీర్ణత ఉన్న వారు ఎవరైనా దరఖాస్తు చేసుకోవచ్చు..

పూర్తి వివరాల్లోకి వెళితే.. 1. సైబర్‌ సెక్యూరిటీ కోర్సులో సైబర్‌ సెక్యూరిటీ ఫండమెంటల్స్‌, ఈ-కామర్స్‌ అండ్‌ డిజిటల్ సెక్యూరిటీ, సైబర్‌ లాస్‌ అండ్‌ సెక్యూరిటీ మేనేజ్‌మెంట్‌ సబ్జెక్టులు ఉంటాయి. 2. డేటా సైన్సెస్‌ విత్‌ పైథాన్‌ ప్రోగ్రామింగ్‌ కోర్సులో ప్రోగ్రామింగ్ యూజింగ్‌ పైథాన్‌, మెషిన్ లెర్నింగ్ సబ్జెక్టులు ఈ కోర్సులో చదవల్సి ఉంటుంది. 3. ఆర్టిఫిషియల్‌ ఇంటెలిజెన్స్ అండ్‌ మెషిన్ లెర్నింగ్ కోర్సులో.. పైథాన్‌ ఫర్‌ డేటా సైన్సెస్‌, మెషిన్ లెర్నింగ్, ఆర్టిఫిషియల్‌ ఇంటెలిజెన్స్ సబ్జెక్టులు ఉంటాయి. అలాగే ఆన్‌లైన్‌ కోర్సుల్లో ప్రవేశాలు పొందాలనుకునే విద్యార్ధులు తప్పనిసరిగా డిప్లొమా/ యూజీ/ పీజీలో ఉత్తీర్ణత సాధించి ఉండాలి. ఈ ఆన్‌లైన్‌ కోర్సులను ఆన్‌లైన్‌లో ఉదయం 6.30 గంటల నుంచి 8.30 గంటల వరకు అందిస్తారు. ఫస్ట్‌ కం ఫస్ట్‌ సర్వ్‌ బేసిస్‌ ద్వారా ఆయా కోర్సులకు సీట్లను కేటాయిస్తారు. ఆసక్తి కలిగిన వారు ఆన్‌లైన్‌లో దరఖాస్తు చేసుకోవచ్చు.

Also read :రూమ్ కొస్తేనే సినిమా ఛాన్స్ ఇస్తానన్నారు.. ఈవీవీపై షకీలా ఆరోపణలు

ఆన్‌లైన్‌ దరఖాస్తులను డిసెంబర్‌ 15, 2023వ తేదీలోపు సమర్పించాలి. రిజిస్ట్రేషన్‌ ఫీజు కింద రూ.500 చెల్లించాలి. ఆ తర్వాత అడ్మిషన్‌ ఫీజు రూ.1,000, కోర్సు ఫీజు రూ.25,000 చెల్లించాల్సి ఉంటుంది. డిసెంబర్ 15లోపు అప్లై చేసుకోని వారికోసం లేటు ఫీజు రూ.500తో 2023 డిసెంబర్‌ 22 సాయంత్రం 4 గంటల అవకాశం కల్పించింది.