Epstein files: ట్రంప్ కంపు పనులు కవర్ చేస్తూ.. 30,000 పేజీల డాక్యుమెంట్ రిలీజ్

అమెరికా అంతటా సంచలనం సృష్టించిన జెఫ్రీ ఎప్‌స్టీన్ సెక్స్ కుంభకోణం కేసులో తాజాగా కీలక పరిణామం చోటుచేసుకుంది. ఈ విచారణకు సంబంధించి అమెరికా న్యాయశాఖ దాదాపు 30,000 పేజీల డాక్యుమెంట్స్ విడుదల చేసింది. అయితే, ఈ పత్రాల్లో అమెరికా అధ్యక్షుడు డొనాల్డ్ ట్రంప్‌పై ఉన్న ఆరోపణలు అవాస్తవమని న్యాయశాఖ స్పష్టం చేయడం అంతర్జాతీయంగా చర్చనీయాంశమైంది.

🚨 JUST IN: The DOJ just released 30,000 more Epstein Files, saying some contain "UNTRUE" claims against President Trump

"If they had a shred of credibility, they certainly would have been weaponized against President Trump already."

"Nevertheless, out of our commitment to the… pic.twitter.com/N992xYVRBp

— Just your average MAGA patriot (@ScottBornAgain) December 23, 2025

30వేల పేజీల డాక్యుమెంట్ రిలీజ్ చేస్తూ జుడిష్యియల్ డిపార్ట్‌మెంట్ సోషల్ మీడియాలో ఓ వివరణ ఇచ్చింది. అందులో.. "ఈ ఫైల్స్‌లో కొన్ని డొనాల్డ్ ట్రంప్‌కు వ్యతిరేకంగా అబద్ధపు ఆరోపణలు ఉన్నాయి. ఇవి 2020 ఎన్నికలకు ముందు ఉద్దేశపూర్వకంగా FBI కి అందిన సమాచారం. ఈ ఆరోపణలు పూర్తిగా నిరాధారమైనవి, తప్పు. వాటిలో కనీసం నిజం ఎంత ఉన్నా, అవి ఎప్పుడో ట్రంప్‌పై ఆయుధాలుగా ఉపయోగపడేవి." పారదర్శకత కోసం చట్టప్రకారం ఈ పత్రాలను యథాతథంగా విడుదల చేస్తున్నట్లు అధికారులు తెలిపారు.

డాక్యుమెంట్లలో కీలక అంశాలు..

విమాన ప్రయాణాలు: 1990లో ట్రంప్ సుమారు 8 సార్లు ఎప్‌స్టీన్ పర్సనల్ జెట్ విమానంలో ప్రయాణించినట్లు కొన్ని ఈమెయిల్స్ ద్వారా వెల్లడైంది. అయితే ఇది కేవలం ప్రయాణం మాత్రమేనని, ఎటువంటి నేరాలు అక్కడ జరిగాయని ఆధారాలు లేవని అధికారులు పేర్కొన్నారు.
ఫేక్ లెటర్స్: ఎప్‌స్టీన్ మరణించిన తర్వాత రాసినట్లుగా భావిస్తున్న ఒక లేఖలో ట్రంప్ పేరును ప్రస్తావించారు. అయితే ఆ లేఖలో హ్యాండ్ రైటింగ్ ఎప్‌స్టీన్‌ది కాదని, అది పూర్తిగా నకిలీ అని ఎఫ్‌బీఐ తేల్చి చెప్పింది.
ఫోటోల వివాదం: గతంలో విడుదల చేసిన ఫైల్స్ నుండి ట్రంప్ ఫోటోలను తొలగించారని డెమోక్రాట్లు విమర్శించగా, బాధితుల గోప్యత కోసమే అలా చేశామని, ఇప్పుడు ఆ ఫోటోలను మళ్ళీ పునరుద్ధరించామని న్యాయశాఖ వివరించింది.

రాజకీయ దుమారం
ఈ పత్రాల విడుదల అమెరికా రాజకీయాల్లో వేడిని పెంచింది. అధ్యక్షుడు ట్రంప్ స్పందిస్తూ.. తనపై వస్తున్న ఆరోపణలను కొట్టిపారేశారు. రిపబ్లికన్ పార్టీ సాధిస్తున్న విజయాల నుండి ప్రజల దృష్టిని మళ్ళించేందుకే డెమోక్రాట్లు ఈ అంశాన్ని అనవసరంగా రాద్ధాంతం చేస్తున్నారని ఆయన ఆరోపించారు. మరోవైపు, ఈ ఫైల్స్‌లో మరిన్ని కీలక విషయాలను ఎడిట్ చేశారని విపక్షాలు విమర్శిస్తున్నాయి. మొత్తానికి, ఎప్‌స్టీన్ ఫైల్స్ విడుదల ద్వారా అమెరికా ప్రభుత్వం పారదర్శకతను చాటుకోవాలని చూస్తున్నప్పటికీ, ట్రంప్ పేరు చుట్టూ తిరుగుతున్న వివాదాలు మాత్రం ఇప్పట్లో సద్దుమణిగేలా లేవు.