Maha Kumbh 2025: మహాకుంభంలో రాజ స్నానం ప్రత్యేక తేదీలివే.. ఎందుకంత విశిష్టత?

నేటి నుంచి ఉత్తరప్రదేశ్‌లోని ప్రయాగ్‌రాజ్‌లో మహా కుంభమేళా నిర్వహించనున్నారు. ప్రతి 12 సంవత్సరాలకు ఒకసారి ఈ మహా కుంభమేళా జరుగుతుంది.

కుంభమేళాలో పుష్కర స్నానం చేయడం ద్వారా పాపాల నుంచి విముక్తి కలుగుతుందని.. విముక్తి పొందుతారని విశ్వాసం. ఈ మహా కుంభ స్నానాన్ని రాజ స్నానం అంటారు. అయితే రాజ స్నానం కొన్ని ప్రత్యేక తేదీలలో మాత్రమే జరుగుతుంది. అవేంటో ఇప్పుడు తెలుసుకుందాం

జనవరి 14న మాఘ కృష్ణ ప్రతిపాద మకర సంక్రాంతి రోజున మొదటి రాజ స్నానం జరుగుతుంది.

జనవరి 29న మౌని అమావాస్య రోజున మహాకుంభంలో రెండవ రాజ స్నానం జరుగుతుంది. ఈ ప్రత్యేక రోజున పవిత్ర నదిలో విశ్వాసంతో స్నానం చేయడం ద్వారా అన్ని దుఃఖాలు తొలగిపోతాయి.

మహాకుంభం మూడవ రాజ స్నానం ఫిబ్రవరి 2 బసంత్ పంచమి నాడు జరుగుతుంది. రాజ స్నానానికి ఇది చివరి తేదీ.

మహాకుంభలో చివరి స్నానం ఫిబ్రవరి 26న మహాశివరాత్రి రోజున జరుగుతుంది.

అయితే సముద్ర మథనం నుంచి వెలువడిన అమృతాన్ని పొందడానికి దేవతలు, రాక్షసులు 12 సంవత్సరాల యుద్ధ సమయంలో కలశం నుంచి అమృత బిందువులు పడిన చోట కుంభమేళా నిర్వహిస్తారు.

అందుకే ఇక్కడ స్నానం చేయడం ద్వారా పాపాలు తొలగిపోతాయని చెబుతారు.