HMPV Virus: చైనాలో కొత్త వైరస్ వ్యాప్తి ప్రపంచ దేశాలను వణికిస్తోంది. దీనిని HMPV(హ్యూమన్ మెటాప్ న్యూమో వైరస్) గా చెబుతున్నారు. చైనాలో ఈ వైరస్ వ్యాప్తి మరో కరోనాను తలపిస్తోంది. ఇప్పటికే లక్షల మంది వైరస్ వ్యాప్తితో ఆస్పత్రుల్లో చికిత్స పొందుతున్నారు. కోవిడ్లానే ఇది కూడా వేగంగా విస్తరిస్తోందని అంటున్నారు. ముఖ్యంగా చైనాలోని ఉత్తర ప్రాంతాలలో 14 ఏళ్లలోపు పిల్లలను ఎక్కువగా ప్రభావితం చేస్తోందని చెబుతున్నారు. శ్వాస తీసుకోవడంలో ఇబ్బంది, ఊపిరితిత్తులపై ప్రభావం ఈ వైరస్ ప్రధాన లక్షణాలు. HMPV వైరస్ అనేది కొత్తది కాదు.. 20 ఏళ్ళ క్రితమే వైద్యులు దీనిని గుర్తించారు. అయితే ఇప్పుడు దీని వ్యాప్తి కట్టలు తెచ్చుకుంది. 20 ఏళ్లలో దీనికి సంబంధించిన వాక్సిన్, మందు కనుగొనలేదు. దీంతో ఈ వైరస్ మరింత శక్తివంతంగా మారినట్లు వార్తలు వస్తున్నాయి. Also Read: Syria:సిరియా మాజీ అధ్యక్షుడు అసద్ కు సీరియస్..విష ప్రయోగం అని అనుమానం చైనా నుంచి జపాన్ చైనాను వణికిస్తున్న ఈ వైరస్.. ఇప్పుడు జపాన్ కి విస్తరించినట్లు తెలుస్తోంది. జపాన్ బ్రాడ్ కాస్టింగ్ కార్పొరేషన్ నివేదిక ప్రకారం.. జపాన్ లో 7 లక్షల 18 వేల కేసులు నమోదవుగా.. దేశవ్యాప్తంగా 5వేల ఆస్పత్రులు, క్లినిక్స్ లో HMPV వైరస్ బాధితులు చికిత్స పొందుతున్నట్లు నివేదికలు చెబుతున్నాయి. గతేడాది డిసెంబర్ నెలలోనే 94 వేల 259 కొత్త HMPV కేసులు వచ్చినట్లు స్పష్టం చేసింది. జపాన్ మాత్రమే కాదు హాంకాంగ్ లోనూ ఈ వైరస్ కేసులు నమోదైనట్లు తెలుస్తోంది. కాకపోతే చాలా తక్కువ సంఖ్యలో ఉన్నాయి. దీంతో హాంగ్ కాంగ్ ప్రభుత్వం అప్రమత్తం అయ్యింది. వైరస్ వ్యాపించకుండా ప్రజల్లో అవగాహన కల్పిస్తోంది. చైనా నుంచి జపాన్, హాంగ్ కాంగ్ దేశాలకు వ్యాపించిన ఈ వైరస్ ఇండియాకు వచ్చే అవకాశం ఉందని హెచ్చరిస్తున్నారు నిపుణులు. Also Read: SSMB29: రికార్డులకు తెరలేపే కాంబినేషన్.. మహేశ్కు జోడీగా స్టార్ హీరోయిన్!