Astronomer CEO viral video: HRతో రొమాన్స్ చేసిన CEO రాజీనామా

ప్రపంచవ్యాప్తంగా సంచలనం సృష్టించిన కోల్డ్‌ప్లే కచేరీ "కిస్ కామ్" ఘటన నేపథ్యంలో, ఆస్ట్రోనమర్ అనే సాఫ్ట్‌వేర్ కంపెనీ సీఈఓ ఆండీ బైరన్ తన పదవికి రాజీనామా చేశారు. కంపెనీ హెచ్‌ఆర్ చీఫ్ క్రిస్టిన్ క్యాబోట్‌తో కలిసి ఆయన కచేరీలో కిస్ కామ్ కెమెరాకు చిక్కడం, ఆ వీడియో సోషల్ మీడియాలో వైరల్ కావడంతో ఈ పరిణామం చోటు చేసుకుంది.

I saw these 2 the whole morning, now I know why,🤣

Astronomer CEO cheats with an employee, sometimes men are so dumb.
I feel sorry for his wife and kids. pic.twitter.com/tTx1pjSrGQ

— Heidi (@HPerneel) July 18, 2025

జూలై 16న బోస్టన్‌లోని జిల్లెట్ స్టేడియంలో జరిగిన కోల్డ్‌ప్లే "మ్యూజిక్ ఆఫ్ ది స్పియర్స్" టూర్‌ కచేరీలో ఈ సంఘటన జరిగింది. కచేరీలో భాగంగా ఉండే "కిస్ కామ్" సెగ్మెంట్, ప్రేక్షకుల్లోని జంటలను స్క్రీన్‌పై చూపించి ముద్దు పెట్టుకోవాల్సిందిగా సూచిస్తుంది. అయితే, ఆండీ బైరన్, క్రిస్టిన్ క్యాబోట్‌లపై కెమెరా ఫోకస్ చేయగానే, వారిద్దరూ తలదాచుకోవడానికి ప్రయత్నించారు. ఈ దృశ్యం సోషల్ మీడియాలో #ColdplayGate అనే హ్యాష్‌ట్యాగ్‌తో వైరల్ అయ్యింది.

As stated previously, Astronomer is committed to the values and culture that have guided us since our founding. Our leaders are expected to set the standard in both conduct and accountability, and recently, that standard was not met.

Andy Byron has tendered his resignation, and… pic.twitter.com/aTTUhnnyVz

— Astronomer (@astronomerio) July 19, 2025

నెటిజన్లు ఈ వీడియోను వీక్షించి, వారిద్దరూ వివాహితులు అని గుర్తించారు. దీంతో వారి మధ్య అక్రమ సంబంధం ఉందని ఊహాగానాలు బయలుదేరాయి. ఈ విషయంపై ఆస్ట్రోనమర్ కంపెనీ వెంటనే స్పందించింది. తమ కంపెనీ విలువలకు, సంస్కృతికి కట్టుబడి ఉన్నామని, నాయకుల నుంచి ఉన్నత స్థాయి ప్రవర్తన, జవాబుదారీతనం ఆశిస్తున్నామని పేర్కొంటూ ఒక ప్రకటన విడుదల చేసింది. కంపెనీ బోర్డు ఆఫ్ డైరెక్టర్స్ ఈ విషయంపై అంతర్గత విచారణకు ఆదేశించినట్లు తెలిపింది.

విచారణ కొనసాగుతుండగానే, ఆండీ బైరన్ సీఈఓ పదవికి రాజీనామా చేస్తున్నట్లు ప్రకటించారు. ఆయన రాజీనామాను కంపెనీ బోర్డు అంగీకరించింది. కంపెనీ సహ వ్యవస్థాపకుడు, చీఫ్ ప్రొడక్ట్ ఆఫీసర్ పీట్ డిజాయ్ తాత్కాలిక సీఈఓగా బాధ్యతలు స్వీకరించారు.

ఈ ఘటనతో కార్యాలయ నైతికత, వ్యక్తిగత జీవితం, ప్రజా జీవితంలో గోప్యత వంటి అనేక అంశాలపై చర్చ మొదలైంది. సోషల్ మీడియాలో ఈ వీడియోపై జోకులు, మీమ్స్ వైరల్ అవుతున్నాయి. ఈ వివాదం కంపెనీ ప్రతిష్టపై కూడా తీవ్ర ప్రభావం చూపింది.