Post Office Scheme: రూ.555కు రూ.10 లక్షల బీమా.. ఈ పోస్టాఫీస్ పాలసీ ప్రత్యేకత ఇదే!

Post Office Scheme: ఇండియా పోస్ట్ పేమెంట్స్ బ్యాంక్ (IPPB) ఇటీవల సరసమైన ప్రీమియంతో కొత్త పాలసీని ప్రవేశపెట్టింది. వాటి పేర్లు హెల్త్‌ప్లస్, ఎక్స్‌ప్రెస్ హెల్త్‌ప్లస్. అన్ని పర్సనల్ యాక్సిడెంట్ కవర్లకు పాలసీ వ్యవధి ఏడాది. 18 నుంచి 65 ఏళ్ల మధ్య వయసున్న వారు ఈ కవర్‌ను ఎంచుకోవచ్చు. ప్రమాదం కారణంగా మరణం, వైకల్యం, వైద్య ఖర్చులు లాంటి ఆర్థిక ప్రమాదాల నుంచి రక్షణను అందిస్తాయి.

హెల్త్ ప్లస్ ఆప్షన్ ఫీచర్లు:

• హెల్త్‌ప్లస్ ప్లాన్లు మూడు ఎంపికలలో వస్తాయి. ఇవి బీమా మొత్తం, ప్రీమియం ఆధారంగా మారుతూ ఉంటాయి. ప్రమాదవశాత్తు మరణం లేదా శాశ్వత అంగవైకల్యం సంభవిస్తే, కుటుంబానికి ఆర్థికంగా అన్ని ఎంపికలు అందుబాటులో ఉంటాయి. చౌకైన ఆప్షన్ 'హెల్త్‌ప్లస్ ఆప్షన్ 1'.5 లక్షల బీమా సదుపాయం కల్పిస్తోంది. మరణం లేదా శాశ్వత వ్యక్తిగత వైకల్యం సంభవిస్తే.. బీమా చేసిన వ్యక్తి కుటుంబం బీమా మొత్తంలో 100శాతం పొందుతుంది. పాలసీలో ఇచ్చిన షరతుల ప్రకారం.. ఫ్రాక్చర్ అయితే రూ.25,000 బీమా లభిస్తుంది. పిల్లల పెళ్లికి రూ.50 వేల వరకు ఇన్సూరెన్స్ కవరేజీ కూడా ఉంది. హెల్త్‌ప్లస్ ఆప్షన్-1 వార్షిక ప్రీమియం పన్నుతో కలిపి రూ.355.

హెల్త్‌ప్లస్ ఆప్షన్ 2 ఫీచర్లు:

• హెల్త్‌ప్లస్ ఆప్షన్ 2 కింద రూ.10 లక్షల ఇన్సూరెన్స్ లభిస్తుంది. మరణం లేదా శాశ్వత వ్యక్తిగత వైకల్యం సంభవిస్తే, బీమా చేసిన వ్యక్తి కుటుంబం బీమా మొత్తంలో 100శాతం పొందుతుంది. పాలసీలో ఇచ్చిన షరతుల ప్రకారం ఫ్రాక్చర్ అయితే రూ.25,000 బీమా లభిస్తుంది. ఒకవేళ బీమా చేసిన వ్యక్తి కోమాలోకి వెళ్తే మూడు నెలల వరకు మినహాయింపు ప్రయోజనం లభిస్తుంది. హెల్త్‌ప్లస్ ఆప్షన్-2 వార్షిక ప్రీమియం పన్నుతో కలిపి రూ.555.

హెల్త్‌ప్లస్ ఆప్షన్ 3 ఫీచర్లు:

• హెల్త్‌ప్లస్ ఆప్షన్-3 అత్యంత సమగ్ర కవరేజీని అందిస్తుంది. ఇందులో రూ.15 లక్షల బీమా మొత్తం ఉంది. మరణం లేదా శాశ్వత వ్యక్తిగత వైకల్యం సంభవిస్తే, బీమా చేసిన వ్యక్తి బీమా మొత్తంలో 100శాతం పొందుతాడు. పాలసీలో ఇచ్చిన షరతుల ప్రకారం ఫ్రాక్చర్ అయితే రూ.25,000 బీమా లభిస్తుంది. పిల్లల పెళ్లిళ్లకు రూ.లక్ష వరకు కవరేజీ లభిస్తుంది. ఇతర ప్రయోజనాలన్నీ హెల్త్‌ప్లస్ ఆప్షన్-2 మాదిరిగానే ఉంటాయి. హెల్త్‌ప్లస్ ఆప్షన్-3 వార్షిక ప్రీమియం పన్నుతో కలిపి రూ.755.

ఇది కూడా చదవండి: టీఫిన్‌ కోసం నానబెట్టిన వేరుశనగలు ఉత్తమం! ప్రయోజనాలు తెలుసుకోండి!