Indian Embassy: దుబాయ్ ప్రయాణికులకు అలర్ట్.. కీలక ప్రకటన జారీ చేసిన అధికారులు!

UAE: దుబాయ్‌లో భారీ వర్షాలు కురుస్తున్న నేపథ్యంలో ఇండియన్ ఎంబసీ కీలక నిర్ణయం తీసుకుంది. UAE మీదుగా ఇతర దేశాలకు లేదా నేరుగా దుబాయ్ వెళ్లాల్సిన ప్రయాణికులు తమ జర్నీని రీషెడ్యూల్‌ చేసుకోవాలని భారత రాయబార కార్యాలయం కోరింది.

పునఃప్రారంభమయ్యే వరకు..
ఈ మేరకు యూఏఈలో రికార్డు స్థాయిలో వర్షాలు కురిస్తున్నాయన్నారు. దీంతో పలు ప్రాంతాల్లో ప్రజలకు తీవ్ర ఇబ్బందులు ఎదురవడంతోపాటు పలు ముఖ్యమైన కార్యకలాపాలకు కూడా అంతరాయం కలిగినట్లు తెలిపారు. ఇక కార్యకలాపాలన్నీ పునఃప్రారంభమయ్యే వరకు అనవసరమైన ప్రయాణాన్ని రీషెడ్యూల్ చేసుకోవాలని దుబాయ్ అంతర్జాతీయ విమానాశ్రయానికి ప్రయాణించే లేదా దాని ద్వారా ప్రయాణించే భారతీయ ప్రయాణీకులకు UAEలోని భారత రాయబార కార్యాలయం సూచించింది.

ఇది కూడా చదవండి: Raghunandan Rao: మాజీ ఎమ్మెల్యే రఘునందన్‌ రావుకు హైకోర్టు షాక్‌

24 గంటల్లో సాధారణ షెడ్యూల్‌..
ఇక కార్యకలాపాలను సాధారణీకరించడానికి యుఎఇ అధికారులు 24 గంటలూ పని చేస్తున్నారు. విమానయాన సంస్థలు ప్రయాణికులను క్షేమంగా చేర్చేందుకు అన్ని ఏర్పాట్లు పూర్తి చేసినట్లు వెల్లడించిన తర్వాతే ప్రయాణీకులు విమానాశ్రయానికి రావాలని అధికారులు సూచించినట్లు అడ్వైజరీలోని ఎంబసీ తెలిపింది. అంతర్జాతీయ ప్రయాణానికి ప్రపంచంలోనే అత్యంత రద్దీగా ఉండే దుబాయ్ ఇంటర్నేషనల్ ఎయిర్‌పోర్ట్ 24 గంటల్లో సాధారణ షెడ్యూల్‌కు తిరిగి రావాలని భావిస్తోంది. అలాగే దుబాయ్ అంతర్జాతీయ విమానాశ్రయంలో భారతీయ పౌరులకు సహాయం చేయడానికి, దుబాయ్‌లోని కాన్సులేట్ జనరల్ ఆఫ్ ఇండియా ఏప్రిల్ 17 నుంచి అత్యవసర హెల్ప్‌లైన్ నంబర్‌లను అందుబాటులో ఉంచినట్లు ప్రకటన విడుదల చేసింది.