Ind Vs Sl: రెండో వన్డేలో తడబడిన భారత్.. తప్పని పరాభవం!

Ind Vs Sl: శ్రీలంకతో జరిగిన రెండో మ్యాచ్ లో భారత్ ఓటమిపాలైంది. ఆదివారం జరిగిన రెండో వన్డేలో శ్రీలంక 32 పరుగుల తేడాతో విజయం సాధించింది. మొదటి బ్యాటింగ్ చేసిన శ్రీలంక నిర్ణీత 50 ఓవర్లలో 9 వికెట్ల నష్టానికి 240 పరుగులు చేసింది. అనంతరం లక్ష్యఛేదనకు దిగిన టీమ్ ఇండియా 42.2 ఓవర్లలో 208 పరుగులకు ఆలౌటైంది. శ్రీలంక వెటరన్ స్పిన్నర్‌ జెఫ్రి వాండర్సే (6/33) భారత్‌ పతనాన్ని శాసించాడు.

🚨 Wanindu Hasaranga will miss the remainder of the ODI series, as the player has suffered an injury to his left hamstring. 🚨

He experienced pain in his left hamstring while delivering the last ball of his 10th over during the first ODI.

An MRI performed on the player,… pic.twitter.com/BWcv6l4k3a

— Sri Lanka Cricket 🇱🇰 (@OfficialSLC) August 3, 2024

ఇక టీమ్‌ఇండియాకు శుభారంభం దక్కినా అనుహ్యంగా వికెట్లు కోల్పోయి ఓటమి చవిచూసింది. రోహిత్‌ శర్మ క్రీజులో ఉన్నంతసేపు ఫోర్లు, సిక్సర్లతో అలరించాడు. మరో ఓపెనర్ శుభ్‌మన్ గిల్ (35; 44 బంతుల్లో 3 ఫోర్లు) ఫర్వాలేదనిపించాడు. ఆల్‌రౌండర్‌ అక్షర్ పటేల్ (44; 44 బంతుల్లో 4 ఫోర్లు, 2 సిక్స్‌లు) రాణించాడు. మిగతా బ్యాటర్లు చెప్పుకోదగ్గ స్కోర్లు చేయలేదు. ఈ ఓటమితో మూడు వన్డేల సిరీస్‌లో భారత్‌ 0-1తో వెనుకంజలో ఉంది. ఆగస్టు 7న సిరీస్‌ నిర్ణయాత్మక మూడో వన్డే జరగనుంది. ఇందులో భారత్‌ గెలిస్తే సిరీస్‌ 1-1తో సమం అవుతుంది.

ఇక శ్రీలంక బ్యాటర్లలో అవిష్క ఫెర్నాండో (40; 62 బంతుల్లో 5 ఫోర్లు), కుశాల్ మెండిస్ (30; 42 బంతుల్లో 3 ఫోర్లు), దునిత్ వెల్లలాగె (39; 35 బంతుల్లో 1 ఫోర్, 2 సిక్స్‌లు), కమిందు మెండిస్ (40; 44 బంతుల్లో 4 ఫోర్లు) కీలక ఇన్నింగ్స్‌లు ఆడారు. భారత బౌలర్లలో వాషింగ్టన్ సుందర్ 3, కుల్‌దీప్ యాదవ్ 2, సిరాజ్, అక్షర్ పటేల్ తలో వికెట్ తీశారు.