యశస్వి జైస్వాల్ ను మందలించిన మిస్టర్ 360!

టీ20 ప్రపంచకప్ కోసం భారత క్రికెట్ జట్టు అమెరికా చేరుకుంది. న్యూయార్క్‌లో టీ20 సిరీస్ కు సిద్ధమవుతోంది. అదే సమయంలో, ఆటగాళ్ళు తమ ఖాళీ సమయాన్ని కూడా ప్రయాణానికి ఉపయోగిస్తున్నారు. యశస్వి జైస్వాల్ కూడా అదే పని చేసి దాని చిత్రాలను సోషల్ మీడియాలో పోస్ట్ చేశాడు.ఇది చూసిన సూర్యకుమార్ యాదవ్ ఈ చిత్రాల గురించి యశస్విని సోషల్ మీడియాలో హెచ్చరించాడు.

న్యూయార్క్‌ వీధుల్లో చక్కర్లు కొడుతున్న ఫొటోలను టీమిండియా యువ క్రికెటర్ యశస్వి జైస్వాల్ తన సోషల్ మీడియా ఖాతాలో పోస్టు చేశాడు. యశస్వి పోస్టుపై ‘మిస్టర్ 360’ సూర్యకుమార్‌ యాదవ్ స్పందించాడు. ఇంగ్లండ్‌తో రెండో టెస్టు సందర్భంగా భారత కెప్టెన్ రోహిత్ శర్మ చేసిన ‘తోటల్లో నడుస్తున్నట్లు ఏంటా నడక అని ఫీల్డర్లపై అసంతృప్తి వ్యక్తం చేశాడు. ఆ మాటలు స్టంప్స్‌ మైకుల్లో ‘స్పష్టంగా రికార్డు అయ్యాయి. ఆ వ్యాఖ్యలను గుర్తు చేస్తూ.. ‘యశస్వి జాగ్రత్త.. నువ్ తోటల్లో తిరుగుతున్నట్లు రోహిత్‌కు తెలుసా?’ అని సూర్య కామెంట్ చేశాడు. ఈ పోస్టుకు నవ్వుతున్న ఎమోజీని జత చేశాడు.