Family Tips : భార్యాభర్తలు ఆఫీసు, ఇంటిని ఎలా బ్యాలెన్స్‌ చేయాలి?

Husband & Wife : భార్యాభర్తలు(Husband & Wife) ఇద్దరూ పని చేస్తుంటే అన్ని బాధ్యతలు ఒకరి భుజాలపైనే ఉండకూడదు. ఆఫీసు, ఇంట్లో ఒకరికి ఒకరు పరస్పరం సహకరించుకుంటూ ముందుకు సాగాలి. ఈ రోజుల్లో భార్యాభర్తలిద్దరూ ఇంటి బాగోగులు చూసుకుంటున్నారు. దీంతో ఒకరికొకరు సమయం ఇవ్వలేకపోతున్నారు. ఇది ఒత్తిడి పెరగడానికి కారణమవుతుంది. కొన్ని విషయాలపై శ్రద్ధ పెట్టడం ద్వారా పని ఒత్తిడిని తగ్గించుకుని జీవితాన్ని సంతోషంగా గడపవచ్చని నిపుణులు అంటున్నారు. ఒత్తిడిపై కొన్ని విషయాలు తెలుసుకుందాం.

ఒకరిపైనే బాధ్యతలు ఉండకూడదు:

• భార్యాభర్తలు ఇద్దరూ ఉద్యోగాని(Job) కి వెళ్తుంటే ఇంటి బాధ్యతలను కూడా సమానంగా తీసుకోవాలి. పనికి విభజించుకోవడం వల్ల ఆనందంగా గడపవచ్చు. ఎవరిపైనా ఒత్తిడి ఉండదు. అలా కాకుండా ఒకరిపైనే భారం వేస్తే ఇద్దరి మధ్య మనస్పర్థలు వచ్చే అవకాశం కూడా ఉంటుందని నిపుణులు అంటున్నారు. ఉదయం, సాయంత్రం పనులు, పిల్లలను పాఠశాలకు దింపడం, వంట చేయడం. అన్ని బాధ్యతలు ఒకరి భుజాలపై ఉండకూడదు. ఇలా చేయడం వల్ల ఇంట్లో గొడవలు జరుగుతాయని నిపుణులు హెచ్చరిస్తున్నారు.

సినిమా, విందు తేదీని ప్లాన్ చేసుకోండి:

• కలిసి సినిమాలకు వెళ్లడం, రెస్టారెంట్‌కు వెళ్లడం వంటివి చేస్తుండాలి. సమయం దొరికినప్పుడు కలిసి కూర్చుని ప్రశాంతంగా మాట్లాడుకోవాలి. ఇలా చేయడం వల్ల బంధం బలపడుతుంది. ఇంట్లో ప్రశాంతంగా ఉన్న సమయంలో ఆఫీసు విషయాలను(Office Topics) అస్సలు ప్రస్తావించకూడదు. వారాంతంలో బయటకు వెళ్లాలి, సినిమాలు చూడాలి. అలాగే లంచ్ లేదా డిన్నర్ ప్లాన్ చేయండి. ఇలా చేయడం వల్ల ఒత్తిడి తొలగిపోయి బంధం సాఫీగా సాగుతుంది.

టూర్లు ప్లాన్‌ చేయాలి:

• ఆఫీస్‌, ఇంట్లో పని ఒత్తిడి నుంచి బయటపడతానికి ఏడాదికి ఒకసారైనా ఎటైనా టూర్లు ప్లాన్‌(Tours Plan) చేయాలని నిపుణులు చెబుతున్నారు. విహారయాత్రలు, ఆలయాల సందర్శనలు మనసుకు ప్రశాంతత కలిగించడమే కాకుండా సంబంధాలను కూడా బలపరుస్తాయని నిపుణులు చెబుతున్నారు.

ఇది కూడా చదవండి: సిగరెట్‌ కంటే హుక్కా ప్రమాదకరమా?.. హుక్కాతో కలిగే నష్టాలు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.