Canada: కెనడాలో స్వామి నారాయణ్‌ ఆలయంపై మరోసారి దాడి!

Canada: కెనడాలోని ఎడ్మంటన్‌లో హిందూ దేవాలయం మీద కొందరు దుండగులు మరోసారి దాడి చేశారు. దేవాలయ గోడలపై రంగులతో భారత ప్రధాని మోదీకి వ్యతిరేకంగా రాతలు రాశారు. ఈ ఘటనను కెనడా విశ్వహిందూ పరిషత్ తీవ్రంగా ఖండించింది. పెరుగుతున్న అతివాద భావజాలానికి వ్యతిరేకంగా కెనడా ప్రభుత్వం వెంటనే చర్యలు తీసుకోవాలని డిమాండ్ చేసింది.

'కెనడా ఎడ్మంటన్‌లోని బాప్స్ స్వామినారాయణ మందిరంలో హిందూ ఫోబిక్ తీవ్రవాద విధ్వంసక చర్యలను తీవ్రంగా ఖండిస్తున్నాం' అని కెనడా విశ్వహిందూ పరిషత్ ట్విటర్‌ వేదికగా పోస్ట్ చేసింది. శాంతిని పెంపొందించే హిందూ సమాజంపై కొంతమంది తీవ్రవాద భావజాలంతో రెచ్చిపోతున్నారని ఆగ్రహం వ్యక్తం చేసింది. ఇలాంటి వారిపై అధికారులు వెంటనే చర్యలు తీసుకోవాలన్నారు.

ఖలిస్థానీ వేర్పాటువాదులు ఇలా ఆలయాన్ని ధ్వంసం చేయడం ఇదే మొదటిసారి కాదు. గతంలోను పలుమార్లు జరిగాయి. ఖలిస్థాన్ ఉగ్రవాది హర్దీప్ సింగ్ నిజ్జర్ మరణం తర్వాత కెనడాలో ఖలిస్థాన్ మద్దతుదారుల భారత వ్యతిరేక కార్యకలాపాలు పెరిగిపోతున్నాయి.

Also read: దారుణం..దుండగుల కాల్పుల్లో 26 మంది మృతి!