MLA KTR: కేటీఆర్ పోస్టు.. నీకో దండం అంటూ సమంత కామెంట్!

MLA KTR: బీఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీఆర్‌ సోషల్‌ మీడియాలో ఎప్పుడూ యాక్టివ్‌గా ఉంటారు. ప్రతి రోజూ దాదాపు రెండు నుంచి మూడు గంటల పాటు సోషల్‌ మీడియాలో గడుపుతానని గతంలో ఆయనే ప్రకటించారు. నిత్యం ఏదో ఒక పోస్టు పెడుతూ.. నెటిజన్ల అడిగిన ప్రశ్నలకు సమాధానాలు చెబుతూ వార్తల్లో నిలిచే కేటీఆర్‌.. గురువారం నాడు తన ఇన్‌స్టాగ్రామ్‌లో ఒక ఆసక్తికర పోస్టు పెట్టారు. ''జీవితం మిమ్మల్ని ఎలాంటి పరిస్థితుల్లోకి నెట్టినా చిరునవ్వుతో దాన్ని ఎదుర్కొవాలి'' అంటూ తన పోస్ట్‌లో రాసుకొచ్చారు. ఇదే సాధారణ విషయమే అయినప్పటికీ.. దానికి వచ్చిన రిప్లైపైనే ఇప్పుడు అందరూ చర్చించుకుంటున్నారు. కేటీఆర్‌ పెట్టిన పోస్టుకు హీరోయిన్‌ సమంత రిప్లై ఇచ్చారు. దండం పెడుతూ ఎమోజీని పోస్టు చేశారు. అనంతరం ఈ పోస్టు వైరల్‌గా మారింది. దీనిపై సోషల్‌ మీడియాలో రకరకాల స్పందనలు వెలువడుతున్నాయి. కేటీఆర్‌ పెట్టిన ఈ పోస్టు హీరోయిన్‌కు బాగా కనెక్ట్‌ అయిందని.. అందుకే సమంత స్పందించారంటూ ఆమె అభిమానులు చర్చలు జరుపుతున్నారు.