Also read:మన్సూర్ అలీఖాన్ కు చివాట్లు పెట్టిన చెన్నై హైకోర్టు

అంతకు ముందు పేపర్ లీక్ పై రాష్ట్ర గవర్నర్ తమిళి సై సౌందర్ రాజన్ సీరియస్ అయ్యారు. ఈ ఘటనపై 48 గంటల్లో సమగ్ర నివేదిక ఇవ్వాలని టిఎస్పిఎస్సిని ఆదేశించారు. బాధ్యుల మీద కఠిన చర్యలు తీసుకోవాలని..అసలైన అభ్యర్థుల ప్రయోజనాలు కాపాడేలా చర్యలు తీసుకోవాలని గవర్నర్ ఆదేశించారు. కాగా ఈ కేసులో పోలీసులు దర్యాప్తును ముమ్మరం చేశారు. ఇప్పటికే ఈ కేసులో ప్రధాన నిందితుడు ప్రవీణ్ సహా 9 మందిని అరెస్ట్ చేశారు. వీరికి వైద్య పరీక్షలు నిర్వహించిన అనంతరం నాంపల్లి కోర్టులో హాజరుపరిచారు. ఈ క్రమంలో 14 రోజుల రిమాండ్ కు కోర్టు అనుమతించింది.  ఈ కేసు దర్యాప్తును సిట్ (Special Investigation Team) కు అప్పగిస్తూ సీపీ సీవీ ఆనంద్  ఆదేశాలు జారీ చేశారు. సిట్ చీఫ్ శ్రీనివాస్ నేతృత్వంలో ఈ విచారణ జరుగుతోంది.