/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2024/01/Chandrachud-jpg.webp)
yodhya Ram Mandir : జనవరి 22న దేశవ్యాప్తంగా ఉన్న కోర్టులకు సెలవు ఇవ్వాలని కోరుతూ బార్ కౌన్సిల్ ఆఫ్ ఇండియా(Bar Council of India) బుధవారం సుప్రీంకోర్టు ప్రధాన న్యాయమూర్తి (CJI) డీవై చంద్రచూడ్(DY Chandrachud)కు లేఖ రాసింది.అయోధ్య రామమందిరం ప్రాణ ప్రతిష్ట వేడుకను పురస్కరించుకుని బార్క్ జనవరి 22న న్యాయపరమైన సెలవును అభ్యర్థించింది.అన్ని కోర్టులకు న్యాయపరమైన సెలవు ఇవ్వాలని బార్ కౌన్సిల్ ఆఫ్ ఇండియా కోరింది. ఈ కార్యక్రమం దేశవ్యాప్తంగా మిలియన్ల మంది ప్రజలకు అపారమైన మతపరమైన, చారిత్రక, సాంస్కృతిక ప్రాముఖ్యతను కలిగి ఉంది. ఇది చాలా కాలంగా ఎదురుచూస్తున్న కల సాకారం కావడం, దేశ నిర్మాణాన్ని నిర్వచించడంలో కీలకమైన చట్టపరమైన చర్యల ముగింపు" అని BCI చైర్‌పర్సన్ సీజేఐకు రాసిన లేఖలో పేర్కొన్నారు.
కాగా జనవరి 22వ తేదీ మధ్యాహ్నం 12.20 గంటలకు రామాలయ 'ప్రాణ్‌ప్రతిష్ఠ' కార్యక్రమం ప్రారంభమై మధ్యాహ్నం 1 గంటలోపు ముగుస్తుందని ఆలయ ట్రస్ట్ ప్రధాన కార్యదర్శి చంపత్ రాయ్ తెలిపారు.కాగా, అయోధ్యలోని రామ మందిరంలో జనవరి 22న సంప్రోక్షణ మహోత్సవానికి ముందు నిర్వహిస్తున్న ఆచారాల్లో భాగంగా రెండో రోజైన బుధవారం సరయూ నది ఒడ్డున 'కలశ పూజ' నిర్వహించినట్లు ఆలయ ట్రస్టు సభ్యుడు తెలిపారు. మంగళవారం ప్రారంభమైన ఆచారాలు బుధవారం ఇక్కడ సరయూ నది ఒడ్డున 'యజ్మాన్' (The main host) 'కలశ పూజ'తో కొనసాగాయి.
అంతకుముందు, ఆలయ ట్రస్ట్ ప్రధాన కార్యదర్శి చంపత్ రాయ్ మాట్లాడుతూ, ప్రాణ్ ప్రతిష్ఠా వేడుక రోజున నిర్వహించే పూజల ముందు ఆచారాలు జనవరి 21 వరకు కొనసాగుతాయని తెలిపారు. వేడుక రోజున, రామ్ లల్లా విగ్రహ ప్రతిష్టకు సంబంధించిన కనీస ఆచారాలను నిర్వహిస్తామని రాయ్ చెప్పారు.
శ్రీ రామ జన్మభూమి తీర్థ క్షేత్ర ట్రస్ట్ సభ్యుడు అనిల్ మిశ్రా, అతని భార్య, ఇతరులు సరయూ నది ఒడ్డున 'కలశ పూజ' నిర్వహించారు. ఈరోజు సరయూ ఒడ్డున కలశ పూజ కార్యక్రమం జరిగింది.దీని తర్వాత, సరయూ నది నుండి నీటితో నింపిన పాత్రలను వేడుకకు ముందు ఆచారాలు నిర్వహించే ప్రదేశానికి (Ram Mandir Complex) తీసుకువెళతారని తెలిపారు.
8,000 మంది అతిథులు హాజరయ్యే ప్రాణ ప్రతిష్ట వేడుక ముగింపులో ప్రధాని మోదీ ప్రసంగం చేయనున్నారు. అయితే వీరిలో కొందరిని మాత్రమే ఆలయ గర్భగుడిలోకి అనుమతిస్తారు. 121 మంది ఆచార్యులు అయోధ్యలో ఈ ఆచారాలను నిర్వహిస్తున్నారు. గణేశ్వర శాస్త్రి ద్రవిడ ఆచార వ్యవహారాలన్నిటినీ పర్యవేక్షిస్తూ, సమన్వయం చేస్తూ, నిర్దేశిస్తున్నారు. అధిపతి ఆచార్య కాశీకి చెందిన లక్ష్మీకాంత దీక్షితులు.