/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/09/Flipkart-Big-Billion-Days-Sale-jpg.webp)
దేశంలో పండుగ సీజన్ మొదలైంది. ప్రస్తుతం ఎక్కడ చూసినా గణేశ్ నవరాత్రుల ఉత్సవాల సందడే కనిపిస్తోంది. ఈ వేడుకలు ముగిసిన తర్వాత వరుసగా దేవీ నవరాత్రులు, దసరా, దీపావళి తదితర పండుగలు రానున్నాయి. ఈ నేపథ్యంలో వివిధ ప్రముఖ సంస్థలు వినియోగదారులపై ఆఫర్ల వర్షం కురిపిస్తున్నాయి. ఆర్టీసీ, ఇతర ట్రావెల్స్ సంస్థలు సైతం పండుగ సీజన్లో ప్రయాణాలు చేసే వారికి ముందస్తు టికెట్ బుకింగ్ పై ఆఫర్లు ఇస్తున్నాయి. తాజాగా ప్రముఖ ఈ-కామర్స్ సంస్థ ఫ్లిప్ కార్ట్ ఆఫర్ల జాతరను ప్రకటించింది. మరికొన్ని రోజుల్లో బిగ్ బిలియన్ డేస్ సేల్ ను (Flipkart Big Billion Days Sale) నిర్వహించనున్నట్లు తెలిపింది. ఈ సేల్ లో వివిధ వస్తువులపై ఈ ఏడాదిలోనే అతి తక్కువ ధరలు ఉంటాయని ప్రకటించింది ఫ్లిప్ కార్ట్. సేల్ లో ముఖ్యంగా స్మార్ట్ ఫోన్లపై (Smartphones) అదిరే ఆఫర్లు ఉంటాయని ఫ్లిప్ కార్ట్ తన సేల్స్ పేజీలో పేర్కొంది.
ల్యాప్ టాప్ లు, స్మార్ట్ వాచ్ లు తదితర ఎలక్ట్రానిక్ వస్తువులు, యాక్ససరీలపై ఏకంగా 50-80 శాతం డిస్కౌంట్లు ఉంటాయని ఫ్లిప్ కార్ట్ ప్రకటించింది. స్మార్ట్ టీవీలు, వాషింగ్ మిషన్లను కొనాలని మీరు ప్లాన్ చేస్తూ ఉంటే.. ఈ సేల్ మీకు సూపర్ ఛాన్స్ అని చెప్పాలి. ఎందుకంటే ఈ ఫ్లిప్ కార్ట్ సేల్ లో ఈ వస్తువులపై 80 శాతం వరకు తగ్గింపులు ఉండనున్నాయి.
ఏసీలను కేవలం.. రూ.21,999 ప్రారంభ ధరతో సొంతం చేసుకోవచ్చని ఫ్లిప్ కార్ట్ తన సేల్స్ పేజీలో పేర్కొంది. ఇంకా.. ఫ్యాషన్ వస్తువులపై 60-90 శాతం వరకు తగ్గింపులు ఉంటాయని ఫ్లిప్ కార్ట్ తెలిపింది. ఇంటి అలంకరణ వస్తువులు, కిచెన్ లో ఉపయోగించే పరికరాలపై భారీ తగ్గింపులు ఉండనున్నాయి. ఇంకా సోఫా తదితర ఫర్నీచర్ వస్తువులపై 85 శాతం వరకు డిస్కౌంట్లు ఉంటాయని ఫ్లిప్ కార్ట్ తెలిపింది. ప్రస్తుతం ఉన్న సమాచారం ఆధారంగా ఫ్లిప్ కార్ట్ ఈ సేల్ ను ఈ నెల 6 తర్వాత ప్రారంభించే అవకాశం ఉన్నట్లు తెలుస్తోంది.
ఇది కూడా చదవండి:
TSRTC Dasara Offer: దసరాకు సొంతూళ్లకు వెళ్లే వారికి టీఎస్ఆర్టీసీ గుడ్ న్యూస్.. 10 శాతం డిస్కౌంట్.. ఇలా బుక్ చేసుకోండి!