Accident: బస్సును ఢీ కొట్టిన ఇన్నోవా కారు..స్పాట్‌ లోనే ఇద్దరు మృతి!

Shamirpet Road Accident: అతివేగంతో దూసుకొచ్చిన ఓ కారు బీభత్సం సృష్టించింది. కారు అదుపుతప్పి ఎదురుగా వస్తున్న బైక్‌, బస్సును ఢీకొట్టింది. ఈ ప్రమాదంలో కారులో ప్రయాణిస్తున్న యువతీయువకుడు అక్కడికక్కడే మృతి చెందగా.. బైక్‌పై వెనుక కూర్చున్న వ్యక్తికి తీవ్ర గాయాలై, పరిస్థితి విషమంగా ఉంది.

బస్సులో ప్రయాణిస్తున్న వారికి తృటిలో ప్రమాదం తప్పింది. బస్సు రోడ్డు దిగువకు వెళ్లి, ఆగిపోవడంతో 8 మందికి స్వల్ప గాయాలయ్యాయి. మిగతా వారంతా క్షేమంగా బయటపడ్డారు. ఈ ఘటన జీనోమ్‌ వ్యాలీ పోలీస్‌స్టేషన్‌ పరిధిలోని రాజీవ్‌ రహదారిపై శుక్రవారం జరిగింది.ఈ యాక్సిడెంట్‌ సీసీటీవీలో రికార్డయ్యింది.

గజ్వేల్‌ నుంచి హైదరాబాద్‌ కారు వస్తున్నక్రమంలో ఈ ప్రమాదం జరిగింది. బస్సులోని 10 మంది ఉద్యోగులు, బైకర్‌ శుబిదాస్‌కు తీవ్ర గాయాలు అయినట్లు పోలీసులు తెలిపారు.

Also Read: ఘోర రోడ్డు ప్రమాదం..ముగ్గురు అక్కడికక్కడే మృతి!