/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/12/FotoJet-2023-12-02T140916.370-jpg.webp)
ప్రయాణికులకు ఎలాంటి ఇబ్బంది కలగకుండా తమ ప్రాంతాలకు సురక్షితంగా చేర్చేందుకు భారతీయ రైల్వే తీవ్రంగా కృషి చేస్తోంది. ఉపాధి, తదితర అవసరాల కోసం సుదూర ప్రాంతాలకు వెళ్తున్న ప్రజలను తిరిగి తమ గమ్య స్థానాలకు చేర్చడంకోసం చర్యలు తీసుకుంటోంది. ఈ క్రమంలోనే పండగ సీజన్ లో ప్రత్యేక ఆఫర్లు కల్పిస్తున్న రైల్వే అధికారులు.. దైవ దర్శనాలు, రద్దీగా ఉండే సమయంలో ప్రత్యేక ఏర్పాట్లు చేస్తున్నారు. ఈ క్రమంలోనే ప్రజల సౌకర్యార్థం దక్షిణ మధ్య రైల్వే జోన్‌ ఆధ్వర్యంలో ప్రస్తుతం నడుస్తున్న ప్రత్యేక రైళ్లను మళ్లీ పొడిగించబోతున్నట్లు తెలిపింది. ఈ మేరకు శుక్రవారం రైల్వే జోన్‌ అధికారులు ఇందుకు సంబంధించిన పూర్తి వివరాలను అధికారికంగా ప్రకటించారు.
ఈ మేరకు డిసెంబర్ 4 నుంచి ఫిబ్రవరి 2 వరకు షెడ్యూల్‌ వారీగా ప్రత్యేక రైళ్లు రాకపోకలు కొనసాగుతాయని రైల్వే అధికారులు వెల్లడించారు. సికింద్రాబాద్- దర్‌బంగ్‌, హైదరాబాద్‌-గోరఖ్‌పూర్‌, సికింద్రాబాద్-ధనపూర్‌, మధురై-కాచిగూడ, నాగర్‌సోల్‌-కాచిగూడ వంటి పలు రైల్వే స్టేషన్ల మధ్యలో ప్రత్యేక రైళ్లను పొడిగించినట్లు ప్రకటన చేశారు. అలాగే డిసెంబరు1 నుంచి 29 వరకు(శుక్రవారం) తిరుపతి-అకోలా (07605), 3 నుంచి 30 వరకు (ఆదివారం) అకోలా-తిరుపతి (07606), 4 నుంచి 25 వరకు (సోమవారం) పూర్ణ-తిరుపతి(07609), 5నుంచి 26 వరకు (మంగళవారం) తిరుపతి-పూర్ణ (07610), 2 నుంచి 30 వరకు (శనివారం) హైదరాబాద్‌-నర్సాపూర్‌ (07631), 3 నుంచి 31 వరకు (ఆదివారం) నర్సాపూర్‌- హైదరాబాద్‌ (07632), 3 నుంచి 31 వరకు (ఆదివారం) తిరుపతి-సికింద్రాబాద్ (7481), 4 నుంచి 25 వరకు(సోమవారం) సికింద్రాబాద్-తిరుపతి (07482), డిసెంబరు 1 నుంచి 29 వరకు (సోమ, బుధ, శుక్రవారాలు) కాకినాడ టౌన్‌-లింగంపల్లి (07445), 2 నుంచి 30 వరకు (మంగళ, గురు, శనివారాలు) లింగంపల్లి-కాకినాడ టౌన్‌ (07446) మధ్య ప్రత్యేక రైళ్లు నడుస్తాయని రైల్వే అధికారులు తెలియజేశారు.
Also read :ఆ ఒక్క సీన్ కోసం వాళ్లతో రెండు రాత్రులు గడిపాను.. రాధిక ఆప్టే
ఇదిలావుంటే.. సివిల్‌ ఇంజినీరింగ్‌ విభాగం, నిర్మాణానికి సంబంధించి రెండు విభాగాలలో దక్షిణ మధ్య రైల్వే రెండు పెర్ఫార్మెన్స్‌ ఎఫిషియెన్సీ షీల్డ్‌-2023 పొందింది. ఈ షీల్డ్‌ అవార్డును ఈ నెల 15న ఢిల్లీలోని ప్రగతి మైదాన్‌లో ఏర్పాటు చేయనున్న ప్రత్యేక కార్యక్రమంలో రైల్వే శాఖ మంత్రి అశ్విని వైష్ణవ్‌ చేతుల మీదుగా ఎస్‌సీఆర్‌ జీఎం అరుణ్‌కుమార్‌ జైన్‌ అందుకోనున్నారు.