Ethiopia: మట్టిచరియలు విరిగిపడిన ఘటన.. 257 మంది మృతి

ఇథియోపియాలో ఇటీవల కురిసిన భారీ వర్షాలకు మట్టిచరియలు విరిగిపడ్డ సంఘటన తెలిసిందే. ఈ దుర్ఘటనలో ఇప్పటివరకు మృతి చెందిన వారి సంఖ్య 257కి చేరింది. ఈ విషయాన్ని ఐక్యరాజ్యసమితి మానవతా సాయం వ్యవహారాల విభాగం వెల్లడించింది. ఈ దేశంలో ఆది, సోమావారాల్లో కిన్‌ చో షాచా గోజ్‌డీ ప్రాంతంలో ముందుగా మట్టిచరియలు విరిగిపడ్డాయి. ఆ తర్వాత రెస్క్యూ టీం సహాయక చర్యలు చేపడుతున్న సమయంలో మరోసారి విరిగిపడ్డాయి. ప్రస్తుతం ఇంకా శిథిలాల కింద చిక్కుకున్నవారి కోసం గాలిస్తున్నారు. మృతుల సంఖ్య 500 వరకు పెరగొచ్చని స్థానిక అధికారులు చెబుతున్నారు. ఈ నేపథ్యంలో ఈ ప్రాంతం నుంచి 15 వేల మందికి పైగా బాధితులను ఖాళీ చేయించాల్సిన అవసరం ఉందని.. ఐరాస మానవతా సాయం వ్యవహారాల విభాగం తెలిపింది.

Also Read: పారిస్ ఒలింపిక్స్‌లో భారత్‌కు పతకం తెచ్చే సత్తా వీరిదే!