Mr Bachchan: భారీగా మిస్టర్ బచ్చన్ ప్రీ రిలీజ్ బిజినెస్..! ఎన్ని కోట్లో తెలుసా..?

Mr Bachchan: టాలీవుడ్ మాస్ మహారాజ్ రవితేజ (Ravi Teja) - హరీష్ శంకర్ (Harish Shankar) కాంబోలో రాబోతున్న మాస్ యాక్ష‌న్ ఎంట‌ర్‌టైన‌ర్‌ మిస్టర్ బచ్చన్. భారీ ఊహాగానాలతో రూపొందిన ఈ చిత్రం ఆగస్టు 15న ప్రేక్షకుల ముందుకు రాబోతుంది. ఇప్పటికే విడుదలైన మూవీ ట్రైలర్, సాంగ్స్ సినిమా పై మంచి బజ్ క్రియేట్ చేశాయి.

భారీగా ప్రీ రిలీజ్ బిజినెస్

అయితే సినిమా రిజల్ట్ తో సంబంధం లేకుండా రికార్డు స్థాయిలో ఈ మూవీ ప్రీ రిలీజ్ బిజినెస్ జరిగినట్లు ట్రేడ్ వర్గాలు చెబుతున్నాయి. మిస్టర్ బచ్చన్ థియేట్రికల్ రైట్స్ నైజాం, ఆంధ్రా, సీడెడ్ ఆంధ్రా ఏరియాల్లో భారీ ధరకు అమ్ముడుపోయినట్లు తెలుస్తోంది. నైజాం, ఆంధ్రా ఏరియాల్లో 23 కోట్లకు, సీడెడ్ ఆంధ్రాలో నాలుగు కోట్లకు, ఓవ‌ర్‌సీస్‌లో రెండు కోట్లకు, క‌ర్నాట‌క‌, రాయ‌చూర్‌ మిగిలిన ప్రాంతాల్లో క‌లిపి మ‌రో రెండు కోట్లకు ఈ సినిమా ప్రీ రిలీజ్ బిజినెస్ జరిగినట్లు సమాచారం. తెలుగు రాష్ట్రాల్లో 27 కోట్లు, వరల్డ్ వైడ్ గా 31 కోట్ల వ‌ర‌కు ప్రీ రిలీజ్ బిజినెస్ చేసింది. మొత్తంగా 32 కోట్ల బ్రేక్ ఈవెన్ టార్గెట్ తో ఈ మూవీ రిలీజ్ కాబోతున్నట్లు తెలుస్తోంది.

పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ నిర్మించిన ఈ చిత్రంలో భాగ్యశ్రీ కథానాయికగా నటించగా.. సీనియర్ నటుడు జగపతి బాబు తదితరులు కీలక పాత్రలు పోషించారు. మిక్కీ జె మేయర్ ఈ చిత్రానికి సంగీతం అందించారు. రావణాసుర, టైగర్ నాగేశ్వర్ రావు, ఈగల్ వంటి బ్యాక్ టూ బ్యాక్ ప్లాప్స్ తర్వాత రాబోతున్న ఈ మూవీ పై ఫ్యాన్స్ ఆసక్తిగా ఉన్నారు.

Also Read: Naga Chaitanya Engagement : 8.8.8 అర్థం ఏంటి..? నాగచైతన్య, శోభిత నిశ్చితార్థం