Health Tips : ఎముకలు ఉక్కులా స్ట్రాంగ్‎గా ఉండాలంటే ఈ డ్రైఫ్రూట్స్ తినండి..!!

డ్రై ఫ్రూట్స్ ఆరోగ్యానికి చాలా మంచివి. చలికాలంలో డ్రై ఫ్రూట్స్ (Dry fruits for health) తినడం వల్ల శరీరాన్ని వెచ్చగా ఉంచడంలో సహాయపడుతాయి. బాదం, వాల్‌నట్, జీడిపప్పు, ఎండుద్రాక్ష తినడం వల్ల కలిగే ప్రయోజనాల గురించి అందరికీ తెలుసు. కానీ అంజీర్ ఆరోగ్యానికి కూడా చాలా మంచిది (Fig Health Benefits). ఈ పండ్లలో కాల్షియం, విటమిన్లు, పొటాషియం, ఖనిజాలు పుష్కలంగా ఉంటాయి. ఇందులో ఉండే పోషకాలు ఆరోగ్యానికి చాలా ప్రయోజనాలను అందిస్తాయి. ఖాళీ కడుపుతో అంజీర పండ్లను తినడం వల్ల అనేక ప్రయోజనాలు లభిస్తాయి. కాబట్టి వాటి గురించి ఇప్పుడు తెలుసుకుందాం.

ఖాళీ కడుపుతో అంజీర పండ్లను తినడం వల్ల చాలా ప్రయోజనాలు ఉన్నాయి:

ఎముకలకు:
అంజీర్ లో కాల్షియం ఉంటుంది. ఇది ఎముకలను బలపరుస్తుంది. ఖాళీ కడుపుతో వీటిని తీసుకోవడం వల్ల శరీరంలోని కాల్షియం లోపాన్ని తీర్చవచ్చు. ఇది ఎముకల ఆరోగ్యానికి చాలా మంచిది. అంజీర పండ్లను తినడం వల్ల వృద్ధాప్యంలో కూడా ఎముకలు దృఢంగా ఉంటాయి.

బరువు తగ్గడానికి:
అత్తి పండ్లలో ఫైబర్, విటమిన్లు, అనేక ఖనిజాలు ఉంటాయి. ఇవి శరీర బరువును అదుపులో ఉంచుతాయి. దీన్ని తినడం వల్ల కడుపు నిండుగా ఉంటుంది. ఆకలి తగ్గుతుంది. దీని కారణంగా తక్కువ తినడం వల్ల బరువు తగ్గుతారు. ఇది జీవక్రియను కూడా పెంచడంతో ఇది బరువు తగ్గడానికి దారితీస్తుంది.

షుగర్ నియంత్రణ :
ఖాళీ కడుపుతో అంజీర్ పండ్లను తినడం వల్ల చక్కెర స్థాయిని అదుపులో ఉంచుకోవచ్చు. షుగర్ నియంత్రణలో ఉండాలంటే అత్తి పండ్లను రాత్రంతా నీటిలో నానబెట్టండి. ఉదయాన్నే వీటిని తినండి. అత్తి పండ్లను తినడం వల్ల టైప్ 2 డయాబెటిస్ రిస్క్ కూడా తగ్గుతుంది.

అత్తి పండ్లను తినడం కడుపు సమస్యలకు కూడా మంచిది . అంజీర్ పండ్లను తినడం వల్ల మలబద్ధకం, కడుపునొప్పి, గ్యాస్, కడుపు తిమ్మిరి సమస్యల నుండి ఉపశమనం పొందవచ్చు. అంజీర్‌లో ఉండే గుణాలు జీర్ణక్రియను కూడా మెరుగుపరుస్తాయి. అత్తిపండ్లు గుండె ఆరోగ్యానికి కూడా మేలు చేస్తాయి. రక్తంలోని కొవ్వు కణాలను తగ్గిస్తుంది. ఇది రక్త ప్రసరణను మెరుగుపరచడంతోపాటు నరాల ఆరోగ్యాన్ని కాపాడుతుంది. తద్వారా గుండె జబ్బులు రాకుండా కాపాడుతుంది.

ఇది కూడా చదవండి: ఏపీ ఎన్నికలపై ఈసీ కీలక ప్రకటన.. నోటిఫికేషన్ ఎప్పుడంటే?