Health Care: పచ్చి పసుపు, బెల్లంతో ఎన్నో ప్రయోజనాలు..ఎలా వాడాలంటే? పచ్చి పసుపు, బెల్లం ప్రతిరోజూ తింటే మంచిది. ఎందుకంటే వీటిలో యాంటీ-ఆక్సిడెంట్లు పుష్కలంగా ఉంటాయి. కీళ్ల వాపును తగ్గించే గుణం వీటికి ఉంటుంది. మన శరీరంలోని టాక్సిన్స్‌ను బెల్లం తొలగిస్తుంది. పసుపు కూడా విషాన్ని తొలగించి రక్తాన్ని శుద్ధి చేస్తుంది. By Vijaya Nimma 04 Jan 2024 in Latest News In Telugu టాప్ స్టోరీస్ New Update షేర్ చేయండి పచ్చి పసుపు(Turmeric), బెల్లం(Jaggery) ప్రతిరోజూ ఉదయం తినడం వల్ల మీ ఆరోగ్యానికి చాలా మేలు జరుగుతుంది. ఇవి అనేక వ్యాధులను మన దరి చేరకుండా సహాయపడతాయి. ముఖ్యంగా శీతాకాలంలో వ్యాధుల ప్రమాదం గణనీయంగా పెరుగుతుంది. అందుకే జాగ్రత్తలు తీసుకోవడం చాలా ముఖ్యం. రోజూ ఉదయాన్నే బెల్లం, పసుపు తింటే ఎలాంటి లాభాలు పొందవచ్చో ఇప్పుడు తెలుసుకుందాం. చలికాలంలో ఎక్కువగా మనం అనారోగ్యానికి గురవుతూ ఉంటాం. జలుబు నుండి న్యుమోనియా వరకు అనేక వ్యాధులు మనల్ని చుట్టుముడతాయి. వాటి నుంచి కోలుకోవడానికి చాలా సమయం పడుతుంది. దీనికి కారణం మన బలహీనమైన రోగనిరోధక శక్తి కావచ్చు. అందుకే చలికాలంలో రోగ నిరోధక శక్తిని బాగా పెంచుకోవాలి. పసుపు, బెల్లం పురాతన కాలం నుంచి ఆయుర్వేదంలో ఉపయోగిస్తున్నారు. చలికాలంలో వీటిని మీ ఆహారంలో భాగం చేసుకోవడం ద్వారా అనేక ఆరోగ్య ప్రయోజనాలను పొందవచ్చు. రోగనిరోధక శక్తి కర్కుమిన్ అనే మూలకం పసుపులో ఉంటుంది. ఇది యాంటీ బాక్టీరియల్ మరియు యాంటీ వైరల్ లక్షణాలు కలిగి ఉంటుంది. వైరస్‌లతో పోరాడటంలో పసుపు అద్భుతంగా పనిచేస్తుంది. ఇందులో అధికంగా యాంటీ ఆక్సిడెంట్లు ఉంటాయి. ఇవి రోగనిరోధక శక్తిని బలోపేతం చేయడంలో ఎంతో సహాయపడతాయి. అలాగే బెల్లంలో మన రోగనిరోధక వ్యవస్థకు తోడ్పడే అనేక ఖనిజాలు ఉంటాయి. రక్తాన్ని శుద్ధి చేస్తుంది మన శరీరంలోని టాక్సిన్స్‌ను బెల్లం తొలగిస్తుంది. అంతేకాకుండా రక్తం కూడా శుద్ధి అవుతుంది. పసుపు కూడా విషాన్ని తొలగించి రక్తాన్ని శుద్ధి చేస్తుంది. టాక్సిన్స్‌ను బయటకు పంపడం ద్వారా కాలేయ పనితీరు మెరుగుపరుస్తాయి. అంతే కాకుండా రక్తహీనతను నివారించడంలో బెల్లం బాగా పనిచేస్తుంది. కీళ్ల నొప్పుల నుంచి ఉపశమనం బెల్లం, పసుపు రెండింటిలోనూ యాంటీ ఇన్‌ఫ్లమేటరీ మూలకాలు ఉంటాయి. అందుకే కీళ్ల వాపును తగ్గించడంలో, నొప్పి నుంచి ఉపశమనాన్ని అందించడంలో బాగా తోడ్పడతాయి. చలికాలంలో కీళ్ల నొప్పులు ఎక్కువగా ఉంటాయి. అందుకే ఆర్థరైటిస్ రోగులు వీటిని తినడం వల్ల చాలా ప్రయోజనం పొందవచ్చు. గుండెకు ప్రయోజనకరం పసుపు, బెల్లంలో యాంటీ-ఆక్సిడెంట్లు పుష్కలంగా ఉంటాయి. ఇవి గుండె జబ్బుల నుంచి రక్షించడంలో బాగా సహాయపడతాయి. దీనితో పాటు వాటిలో చాలా ఖనిజాలు ఉంటాయి. ఇవి మీ గుండె ఆరోగ్యానికి మేలు చేస్తాయి. జీర్ణక్రియను మెరుగుపరుస్తాయి. పసుపు మీ పిత్త స్రావాన్ని పెంచుతుంది. ఇది జీర్ణక్రియకు చాలా ముఖ్యమైనది. బెల్లం మలబద్ధకం సమస్యను నివారించడంలో మీకు సహాయపడుతుంది. ఇది జీర్ణక్రియను మెరుగుపరుస్తుంది. జీర్ణ ఎంజైమ్‌లను ఉత్పత్తి చేయడంలో బెల్లం బాగా ఉపయోగపడుతుంది. Also Read: బీచ్‌ ఒడ్డున మార్నింగ్‌ వాక్‌..సముద్రంలో స్నార్కెలింగ్‌..ప్రకృతిని ఆస్వాదిస్తున్న మోదీ! WATCH: #turmeric #jaggery మా వార్తాలేఖకు సభ్యత్వాన్ని పొందండి! ప్రత్యేకమైన ఆఫర్లు మరియు తాజా వార్తలను పొందిన మొదటి వ్యక్తి అవ్వండి ఇప్పుడే సభ్యత్వం పొందండి సంబంధిత కథనాలు Advertisment తాజా కథనాలు తదుపరి కథనాన్ని చదవండి