Sugarcane Juice: వేసవిలో ఈ టైమ్‌లో చెరుకు రసం అస్సలు తాగొద్దు!

Sugarcane Juice: వేసవి రోజుల్లో చెరుకు రసం తాగడం వల్ల ఆరోగ్యానికి మేలు జరుగుతుంది. చెరకు రసంలో పొటాషియం, కార్బోహైడ్రేట్లు, ఐరన్ పుష్కలంగా ఉంటాయి. ఇందులో మెగ్నీషియం, కాల్షియం కూడా ఉన్నాయి. చెరుకు రసం తాగడం వల్ల కడుపు సంబంధిత సమస్యలు దరిచేరవు. చెరకు రసం శరీరానికి తేమను అందిస్తుంది. దీని వల్ల డీహైడ్రేషన్ కూడా ఉండదు. అయితే చెరుకు రసం తాగడానికి సరైన సమయం తెలుసుకోవాలి. చెరకు రసం ఎప్పుడు, ఎలా తాగాలి అనే దానిపై దృష్టి పెట్టాలని నిపుణులు అంటున్నారు.

చెరుకు రసం ఎప్పుడు తాగాలి..?

చెరకు రసం తాగడం వల్ల శరీరానికి అనేక ప్రయోజనాలు లభిస్తాయి. అయితే సరైన సమయంలో తాగితే మాత్రమే లాభం ఉంటుంది. చెరకు రసాన్ని మధ్యాహ్నం ముందు సేవించాలి. అంతే కాకుండా చెరకు రసాన్ని నిలబడి కాకుండా కూర్చొని తాగాలి. వారానికి 3 నుంచి 4 సార్లు చెరుకు రసం తాగడం వల్ల శరీరం హైడ్రేట్‌గా ఉంటుందని వైద్యులు చెబుతున్నారు.

చెరకు రసం తాగేందుకు సరైన మార్గం:

చెరకు రసాన్ని ఎప్పుడూ తాజాగా తీసుకోవాలి. ఫ్రిజ్‌లో ఉంచిన చెరకు రసం తాగడం మానుకోండి. ఎక్కువ కాలం చల్లగా ఉంచిన జ్యూస్ తాగడం వల్ల మీ జీర్ణక్రియపై ప్రభావం చూపుతుంది. ఇందులో పుదీనా, నిమ్మరసం కూడా మిక్స్ చేసుకోవచ్చు. కొంతమంది చెరుకు రసంలో బ్లాక్ సాల్ట్ వేసుకుని తాగుతారు. చెరకు రసం తీసుకోవడం వల్ల శరీరం పునరుత్తేజం పొందుతుంది.

చెరుకు రసం ఎవరు తాగకూడదు..?

దగ్గు-జలుబు వచ్చినప్పుడు చెరుకు రసం తాగకూడదు. మీకు తలనొప్పి ఉంటే చెరుకు రసం తాగడం మానుకోండి. చెరకు రసం జీర్ణక్రియకు మంచిది కానీ దానిని ఎక్కువగా తీసుకోవడం జీర్ణక్రియపై ప్రతికూల ప్రభావం చూపుతుంది. కొలెస్ట్రాల్ పెరిగితే చెరుకు రసం తాగడం మానేయాలని వైద్యులు చెబుతున్నారు.

ఇది కూడా చదవండి: చిన్నవయసులోనే గుండెపోటుకు కారణాలు..తీసుకోవాల్సిన జాగ్రత్తలు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.