Attack on Trump: ట్రంప్ పై హత్యాయత్నం.. దాడి తరువాత ఆయన ఏమన్నారంటే.. 

Attack on Trump: అమెరికా మాజీ అధ్యక్షుడు డొనాల్డ్‌ ట్రంప్‌పై దారుణమైన దాడి జరిగింది. పెన్సిల్వేనియాలో ఎన్నికల ర్యాలీలో ఆయనపై కాల్పులు జరిగాయి. ఈ కాల్పుల ఘటనలో ట్రంప్‌ గాయపడ్డారు. ట్రంప్ ముఖం, చెవులపై రక్తపు జాడలు కనిపించాయి. వెంటనే ఆయనను  ఆసుపత్రికి తరలించారు. ప్రస్తుతం ట్రంప్ ప్రమాదం నుంచి బయటపడ్డారు. ఆయన పరిస్థితి బాగానే ఉంది. సీక్రెట్ సర్వీస్ ఇద్దరు షూటర్లను హతమార్చింది.

దాడి తర్వాత తొలిసారిగా స్పందించిన  ట్రంప్
Attack on Trump: తర్వాత, ట్రంప్ తన సోషల్ మీడియా పోస్ట్‌లో ఇలా రాశారు, “పెన్సిల్వేనియాలోని బట్లర్‌లో జరిగిన కాల్పులపై త్వరగా స్పందించిన యునైటెడ్ స్టేట్స్ సీక్రెట్ సర్వీస్ - లా ఎన్‌ఫోర్స్‌మెంట్ ఆఫీసర్లందరికీ కృతజ్ఞతలు తెలియజేస్తున్నాను. ర్యాలీలో మృతి చెందిన వారి కుటుంబానికి, తీవ్రంగా గాయపడిన మరో వ్యక్తి కుటుంబానికి నా ప్రగాఢ సానుభూతిని తెలియజేస్తున్నాను. ఇలాంటి ఘటన మన దేశంలో జరగడం చాలా దురదృష్టకరం. కాల్పులు జరిపిన వ్యక్తి హత్యకు గురైనప్పటికీ అతని గురించి ఇప్పటివరకు ఏమీ తెలియలేదు. నా కుడి చెవి పై భాగంలో కాల్చారు. ఆ సమయంలో  నేను చెవి దగ్గర జలదరింపు అనుభూతిని అనుభవించాను, ఇది ఏదో తప్పు అని నాకు వెంటనే అర్థమైంది. బుల్లెట్ నా చర్మం గుండా వెళుతుందని నేను భావించాను. చాలా రక్తస్రావం జరిగింది. కాబట్టి నేను ఏమి జరుగుతుందో గ్రహించాను. గాడ్ సేవ్ అమెరికా!'

దాడి తరువాత డోనాల్డ్ ట్రంప్ సోషల్ మీడియా పోస్ట్ ఇది.. 

సీక్రెట్ సర్వీస్ ఇద్దరు షూటర్లను హతమార్చింది
Attack on Trump: ఒక షూటర్ గుంపులో ఉండగా, మరొక షూటర్ అక్కడ భవనం పైకప్పుపై ఉన్నాడని చెప్పారు. షూటర్ ట్రంప్‌కు 100 అడుగుల దూరంలో ఉన్న భవనం పైకప్పుపై ఉన్నాడు. అక్కడి నుంచి ట్రంప్‌ను టార్గెట్ చేశాడు. సీక్రెట్ సర్వీస్ ఇద్దరు షూటర్లను హతమార్చింది. కాల్పులు జరిపిన తర్వాత కూడా ట్రంప్ నినాదాలు చేస్తూనే ఉన్నారు. మాజీ అధ్యక్షుడిపై కాల్పులు జరగడంతో న్యూయార్క్‌లో భద్రతను కట్టుదిట్టం చేశారు.

Also Read: అమెరికా మాజీ అధ్యక్షుడు ట్రంప్‌ పై కాల్పులు.. !

సంఘటనపై అమెరికా అధ్యక్షుడు బిడెన్ ఏమన్నారంటే..
Attack on Trump: ట్రంప్‌పై కాల్పులు జరిపిన అనంతరం అమెరికా అధ్యక్షుడు జో బిడెన్ “ట్రంప్ ర్యాలీలో కాల్పులు జరిగినట్లు నాకు సమాచారం అందింది. ఆయన క్షేమంగా ఉన్నారని తెలిసి సంతోషిస్తున్నాను. నేను అతని కోసం - అతని కుటుంబం, ర్యాలీలో పాల్గొన్న ప్రతి ఒక్కరి కోసం ప్రార్థిస్తున్నాను. వారిని సురక్షితంగా ఉంచినందుకు సీక్రెట్ సర్వీస్‌కి కృతజ్ఞతలు. అమెరికాలో ఇలాంటి హింసకు తావు లేదు” అంటూ స్పందించారు.