Dhruv Jurel: ధోనీ రికార్డును సమం చేసిన యువ కీపర్!

Dhruv Jurel: టీమ్‌ ఇండియా యంగ్ ప్లేయర్ ధ్రువ్‌ జురెల్‌ దులీప్‌ ట్రోఫీలో అరుదైన రికార్డును సొంతం చేసుకున్నాడు. బెంగళూరు చిన్నస్వామి మైదానంలో ఇండియా-ఎ తరఫున ఆడిన యువ కీపర్.. దులీప్‌ ట్రోఫీలో భారత మాజీ కెప్టెన్ మహేంద్ర సింగ్‌ ధోనీ పేరిట ఉన్న ఏడు క్యాచ్‌ల రికార్డును సమం చేశాడు. తొలి ఇన్నింగ్స్‌లో ఒకే క్యాచ్‌ పట్టిన ధ్రువ్.. రెండో ఇన్నింగ్స్‌లో ఏకంగా ఆరుగురిని ఔట్ చేయడంతో కీలక పాత్ర పోషించి ఈ ఘనత సాధించాడు.

ఇదిలా ఉంటే.. ఈ మ్యాచ్‌లో ఇండియా B ఘన విజయం సాధించింది. ఇండియా Aపై 76 పరుగుల తేడాతో గెలిచింది. 275 పరుగుల లక్ష్యంతో బరిలోకి దిగిన ఇండియా A 198 రన్స్‌కు ఆలౌటైంది. కేఎల్ రాహుల్ (57) ఒక్కడే రాణించాడు. రియాన్‌ పరాగ్ (31), శుభ్‌మన్ గిల్ (21), శివమ్‌ దూబె (14) పరుగులు చేశారు. ఇండియా బి బౌలర్లలో యశ్ దయాల్ 3, ముకేశ్‌ కుమార్ 2, నవదీప్‌ సైని 2, వాషింగ్టన్ సుందర్‌, నితీశ్ రెడ్డి తలో వికెట్ తీశారు.