Drink Cumin Water: జీలకర్ర నీళ్లు జీవ క్రియలకు మేలు..ఎన్నో ఔషధ గుణాలు

Drink Cumin Water: ఇంట్లో పిల్లల్ని కొట్టడానికి కర్ర లేకపోయిన పర్వలేదు కానీ.. వంటల్లో జీలకర్ర లేకపోతే ఆ కూరకు టేస్ట్‌ రాదు. ప్రతీ వంటింట్లో ఉండే దినుసుల్లో జీల‌క‌ర్ర ఖచ్చితంగా ఉంటుంది. ఈ జీల‌క‌ర్రను పూర్వ కాలం నుంచే వంట‌ల్లో వాడుతున్నారు. జీల‌క‌ర్రను వంటల్లో వేయండ వలన మంచి రుచితో పాటు ఆరోగ్యానికి ఎంతో మంచిది. జీల‌క‌ర్రలో ఎన్నో ఔష‌ధ గుణాలు, ఆరోగ్య ప్రయోజ‌నాలున్నాయి. జీల‌క‌ర్రను తింటే ఎన్నో అనారోగ్య స‌మ‌స్యల‌ను దూరం అవుతాయి. వంట‌ల్లో వాడ‌డంతో పాటుగా జీల‌క‌ర్రతో జీల‌క‌ర్ర నీరు తాగటం వల్ల మంచి ఫ‌లితాలున్నాయి. ప్రతీ రోజూ ఉదయం ప‌ర‌గ‌డుపున ఓ గ్లాస్ జీల‌క‌ర్ర నీటిని తాగితే మంచి ఆరోగ్యం సొంతం అవుతుంది. జీల‌క‌ర్ర నీరు తాగ‌డం వ‌ల్ల క‌లిగే ప్రయోజ‌నాలు ఏమిటో ఇప్పుడు కొన్ని విషయాలు తెలుసుకుందాం.

జీలకర్ర నీరు తాగటం వలన కలిగే ప్రయోజనాలు

జీల‌క‌ర్ర నీటిని తాగితే చ‌ర్మ ఆరోగ్యం మెరుగుప‌డుతుంది. జీర్ణశ‌క్తి, అజీర్తి, గ్యాస్, క‌డుపు ఉబ్బరం వంటి స‌మ‌స్యలు త‌గ్గాలంటే జీల‌క‌ర్ర నీటిని తాగాలి. ఈ నీరు తాగితే తిన్న ఆహారం జీర్ణమై.. శ‌రీరంలో జీవ‌క్రియ‌ల రేటు పెరుగుతుంది. ఇలా చేస్తే అధిక బరువు ఉన్నవారు సుల‌భంగా త‌గ్గవ‌చ్చు. అంతేకాకుండా ఈ నీరు తాగితే రక్తంలో చ‌క్కెర స్థాయిలు అదుపులో ఉంటాయి. షుగ‌ర్ వ్యాధి గ్రస్తులకు జీలకర్ర నీరు వలన మంచి ఫ‌లితం ఉంటుంది. ఇంకా.. రోగ‌నిరోధ‌క శ‌క్తి పెంచి, ఇన్పెక్షన్లు, శ‌రీరంలో మ‌లినాలు, విష ప‌దార్థాల‌ను బయ‌ట‌కు పంపించి శ‌రీరాన్ని ఆరోగ్యంగా ఉంచ‌డంలో జీల‌కర్ర నీరు ఎంత‌గానో ఉపయోగప‌డుతుంది.

ఇది  కూడా చదవండి: నిద్రకు ముందు పాలు తాగుతున్నారా? ఈ విషయం తప్పక తెలుసుకోవాల్సిందే..!

జీల‌కర్ర నీటి వ‌ల్ల చ‌క్కటి ఆరోగ్యాన్ని పొంద‌వ‌చ్చని వైద్య నిపుణులు అంటున్నారు. మన వంటిల్లే మన ఆరోగ్య కేంద్రం అని కరోనా నుంచి చాలా మందికి అర్థమైంది. కరోనా టైంలో ఎన్నో సమస్యలను చూశాం. ఆ సమయంలో దినుసుల విలువ బాగా తెలిసింది. జీలకర్ర నీరు తాగితే గొంతు నొప్పి, గొంతులో ఇన్పెక్షన్ వంటి శ్వాస సంబంధిత స‌మ‌స్యలను దూరం చేయడంతో పాటు నాడీమండ‌ల వ్యవ‌స్థ చురుకుగా ప‌ని చేసేలా చేస్తుంది. స్త్రీలను నెల‌సరి స‌మ‌యంలో వ‌చ్చే ఇబ్బందులను జీల‌క‌ర్ర నీరు త‌గ్గిస్తుంది. ఆరోగ్యానికి ఎంతో మేలు చేసే జీల‌క‌ర్ర నీటిని ఎలా త‌యారు చేసుకోవ‌డం ఇప్పుడు చుద్దాం. ఒక గ్లాస్ నీటిలో కొద్దిగా జీల‌క‌ర్ర వేసి రాత్రంతా అలాగే ఉంచాలి. ఉద‌యాన్నే ఈ నీటిని వ‌డ‌క‌ట్టి తాగాలి. ఇలా చేస్తే ఆరోగ్యానికి చాలా మంచిది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.