రజినీ తర్వాత సమంతే తోపు.. త్రివిక్రమ్ షాకింగ్ కామెంట్స్

సౌత్ స్టార్ హీరోయిన్ సమంతపై మాటల మాంత్రికుడు త్రివిక్రమ్ ఆసక్తికర వ్యాఖ్యలు చేశారు. బాలీవుడ్ హీరోయిన్ ఆలియా భట్ ప్రధాన పాత్రలో తెరకెక్కిన 'జిగ్రా' మూవీ అక్టోబర్ 11 న హిందీతో పాటూ తెలుగు లోనూ విడుదల కాబోతుంది. ఈ సందర్భంగా సినిమాకు సంబంధించి హైదరాబాద్ లో ప్రీ రిలీజ్ ఈవెంట్‌ ఏర్పాటు చేశారు. ఈ ఈవెంట్ కు సమంత, త్రివిక్రమ్, రానా దగ్గుబాటి ముఖ్య అతిథులుగా హాజరయ్యారు. 

ఫస్ట్ మూవీ నుంచే ఆమె హీరో..

కాగా ఈవెంట్ లో త్రివిక్రమ్ సమంత పై కీలక కామెంట్స్ చేశారు. తమిళం, తెలుగు, మలయాళం.. ఇలా అన్ని చిత్ర పరిశ్రమల్లోనూ ఒకే విధమైన అభిమానగణం ఉన్న నటుల్లో రజనీకాంత్‌ తర్వాత సమంత మాత్రమేనని కొనియాడారు. అది ఆమెపై ఉన్న ప్రేమతో చెబుతున్న మాట కాదన్నారు. " ఏ మాయ చేసావె’ సినిమా నుంచే సమంత హీరో. ఆమెకు వేరే శక్తి అక్కర్లేదు. 

Also Read : మారుతి బర్త్ డే స్పెషల్.. 'రాజాసాబ్' నుంచి మేకింగ్ వీడియో రిలీజ్

తానే ఓ శక్తి. సమంత.. మీరు ముంబయిలోనే ఉండకుండా అప్పుడప్పుడు హైదరాబాద్‌కు రండి. మీరు సినిమాలు చేయడం లేదని మేం కథలు రాయడం లేదు. మీరు నటిస్తానంటే మేం రాస్తాం. ‘అత్తారింటికి దారేది’లాగా.. సమంత కోసం హైదరాబాద్‌కు రావడానికి దారేది అనాలేమో. 

సమంత రావాలని ట్రోల్ చేయాలి.." అని చెప్పుకొచ్చారు. కాగా త్రివిక్రమ్ తో సమంతకు మంచి బాండింగ్ ఉంది. ఆయన తెరకెక్కించిన అత్తారింటికి దారేది, అఆ, సన్నాఫ్ సత్యమూర్తి సినిమాల్లో సమంత హీరోయిన్ గా నటించింది. ఈ సినిమాలన్నీ బాక్సాఫీస్ దగ్గర మంచి విజయాలు అందుకున్నాయి.