Pushpa 2: తొలిరోజు 'పుష్ప2' క్రియేట్ చేసిన రికార్డ్స్ ఇవే..!

విడుదలకు ముందు బుక్‌ మై షోలో గంటలో లక్ష టికెట్లు అమ్ముడైన చిత్రంగా ‘పుష్ప2’ రికార్డు నెలకొల్పింది.

కర్ణాటకలో ‘పుష్ప2’ మొదటిరోజు రూ.23.7 కోట్లు (గ్రాస్‌) వసూళ్లు చేసింది. తెలుగు సినిమాకు మొదటిరోజే అక్కడ ఈ స్థాయిలో కలెక్షన్స్‌ రావడం ఇదే తొలిసారి కావడం విశేషం.

విదేశాల్లో ఈ చిత్రం ఇప్పటివరకు 8 మిలియన్‌ డాలర్లు వసూళ్లు చేసింది. ఇండియన్‌ సినిమాకు ఇన్ని ఓపెనింగ్స్ రావడం ఇదే తొలిసారి.

కేరళలో రూ.6.35 కోట్లతో బాక్సాఫీస్‌ను ఓపెన్‌ చేశాడు పుష్పరాజ్‌. 2024లోనే కేరళలో ఇది బిగ్గెస్ట్‌ ఓపెనింగ్‌ అని నిర్మాణసంస్థ తెలిపింది.

తమిళనాడులో ‘పుష్ప2’ మొదటిరోజు రూ.11 కోట్లు (గ్రాస్‌) వసూళ్లు చేసింది. తెలుగు డబ్బింగ్‌ సినిమాకు తమిళనాడులో ఇన్ని కోట్లు రావడం ఇదే మొదటిసారి.

బాలీవుడ్‌లో ఈ మూవీకి ఫస్ట్‌డే ఏకంగా రూ.72 కోట్లు (నెట్‌) వచ్చాయి. ఇండియన్‌ సినిమా చరిత్రలోనే హిందీలో తెలుగు సినిమాకు ఇన్ని కోట్లు రావడం ఇదే తొలిసారి.

తెలుగు రాష్ట్రాల్లో నైజాంలో రూ.30 కోట్ల షేర్‌ రాబట్టిన తొలి చిత్రంగా ‘పుష్ప2’ నిలిచింది