Suriya 46: 'సూర్య46' క్రేజీ అప్‌డేట్.. యూరప్‌లో షూటింగ్ షురూ!

Suriya 46: ప్రముఖ హీరో, జాతీయ అవార్డు విజేత సూర్య తన 46వ సినిమాతో టాలీవుడ్‌లోకి అడుగుపెడుతున్నారు. ప్రస్తుతం ఈ సినిమా పేరు  ‘సూర్య46’గా అనౌన్స్ చేసారు. ఇది పూర్తి స్థాయి ఫ్యామిలీ ఎంటర్టైనర్‌గా రూపొందుతుంది. ఈ చిత్రానికి ప్రముఖ దర్శకుడు వెంకీ అట్లూరి దర్శకత్వం వహిస్తున్నారు.

అయితే లేటెస్ట్ అప్‌డేట్ ఏంటంటే, ఈ సినిమాకు సంబంధించిన తాజా షెడ్యూల్ బెలారస్ అనే ఈస్ట్ యూరప్ దేశంలో జరుగుతోంది. అక్కడ అందమైన లొకేషన్స్‌లో ఒక యాక్షన్ సీన్‌తో పాటు, ఒక పాటను కూడా చిత్రీకరిస్తున్నట్టు సమాచారం. సూర్యపై తీస్తున్న ఈ యాక్షన్ ఎపిసోడ్‌ ని స్పెషల్‌గా ప్లాన్ చేశారు.

The shooting of #Suriya46 is currently taking place in Belarus, Europe.🎬🔥#Suriya x #VenkyAtluri#SriBalajiVideopic.twitter.com/rGWP7zC12b

— Sri Balaji Video (@sribalajivideos) October 7, 2025

ఈ సినిమాలో సూర్య సరసన మలయాళ యువ నటి మమితా బైజు లీడ్ రోల్‌లో నటిస్తోంది. ఆమెకు ఈ సినిమా తమిళంతో పాటు టాలీవుడ్‌లో కూడా మంచి బ్రేక్ కానుంది. ఇక ఈ చిత్రంలో సీనియర్ నటీమణులు రవీనా టండన్, రాధికా శరత్ కుమార్, యువ నటి భవాని శ్రీ కూడా ముఖ్యమైన పాత్రల్లో కనిపించనున్నారు.

 ఈ ప్రెస్టీజియస్ ప్రాజెక్ట్‌ను ప్రముఖ నిర్మాతలు నాగ వంశీ, సాయి సౌజన్య సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ కలిసి నిర్మిస్తున్నారు. ఈ చిత్రానికి సంగీతాన్ని జీవి ప్రకాశ్ కుమార్ అందిస్తున్నారు. ఆయన ఇప్పటికే చాలా హిట్ ఆల్బమ్‌లు ఇచ్చిన సంగతి తెలిసిందే. ఈ సినిమాకు కూడా మంచి సంగీతం అందించనున్నారు.

మొత్తానికి, సూర్య46 సినిమా బిజీ బిజీగా షూటింగ్ జరుగుకుంటోంది. కథ, నటీనటులు, లొకేషన్లు అన్నీ చూస్తే… ఇది టాలీవుడ్‌లో సూర్యకి మంచి డెబ్యూ అవుతుంది అనే ఆశలు క్రియేట్ అవుతున్నాయి. త్వరలో ఈ సినిమాకు సంబంధించిన టైటిల్, ఫస్ట్ లుక్ రివీల్ చేసే అవకాశముంది.

కంప్లీట్ ఫ్యామిలీ ఎంటర్టైనర్‌గా, భారీ తారాగణంతో వస్తున్న ‘సూర్య46’ సినిమా త్వరలో తెలుగు ప్రేక్షకులను అలరించనుంది.