నాని కోసం రంగంలోకి పాన్ ఇండియా బ్యూటీ..

న్యాచురల్ స్టార్ నాని ఫుల్ ఫామ్ లో ఉన్నాడు. ఓ వైపు బ్యాక్ టూ బ్యాక్ హిట్స్ అందుకుంటూనే రెస్ట్ లేకుండా తన న్యూ ప్రాజెక్ట్స్ తో బిజీ అయిపోయాడు. గత ఏడాది దసరా, హాయ్ నాన్న సినిమాలతో అలరించిన ఈ హీరో.. ఇటీవల 'సరిపోదా శనివారం' తో హ్యాట్రిక్ హిట్ అందుకున్నాడు. వివేక్ ఆత్రేయ డైరెక్ట్ చేసిన ఈ మూవీ బాక్సాఫీస్ దగ్గర వంద కోట్లు కలెక్ట్ చేసింది.

ఇక ప్రస్తుతం నాని తన లేటెస్ట్ మూవీ 'హిట్-3' షూటింగ్ తో బిజీగా ఉన్నాడు. యంగ్ డైరెక్టర్ శైలేశ్‌ కొలను క్రియేట్ చేసిన హిట్ యూనివర్స్ లో ఇప్పటికే వచ్చిన హిట్, హిట్ 2 సినిమాలు మంచి సక్సెస్ అందుకున్నాయి. నాని ఈ సినిమాకు హీరో మాత్రమే కాదు నిర్మాత కూడా. దీంతో 'హిట్ 3' పై భారీ హైప్ నెలకొంది. తాజాగా ఈ సినిమా నుంచి అదిరిపోయే అప్డేట్ బయటికొచ్చింది. 

Also Read : కోలీవుడ్ డైరెక్టర్ పై పవన్ కళ్యాణ్ ప్రశంసలు.. వైరల్ అవుతున్న వీడియో

నాని సరసన 'KGF' భామ..

ఈ మూవీలో పాన్ ఇండియా హీరోయిన్ భాగం కానుందట. ఆమె మరెవరో కాదు 'KGF' సినిమాతో అలరించిన శ్రీనిధి శెట్టి అని సమాచారం. 'KGF'లో తన అందంతో పాటూ నటనతోనూ ఆకట్టుకున్న ఈ కన్నడ ముద్దుగుమ్మ.. ఇప్పుడు న్యాచురల్ స్టార్ నాని సినిమాలో ఛాన్స్ కొట్టేసింది.  ప్రస్తుతం ఈ సినిమా చిత్రీకరణ వైజాగ్‌లో జరుగుతుండగా.. నాని, శ్రీనిధిలపై కీలక సన్నివేశాలు చిత్రీకరిస్తున్నట్లు తెలిసింది. 

Visakhapatnam lo HIT 3 shooting 🥳#HIT3#Nani #srinidhishetty#saripodhasanivaaram pic.twitter.com/gb2fmofS6E

— Satya ™️ (@Satya_Chowdary9) October 1, 2024

ఈ షూటింగ్ కి సంబంధించి ఓ వీడియో కూడా బయటికొచ్చింది. అందులో శ్రీనిధి శెట్టి.. నాని దగ్గరికి వచ్చి ఎదో మాట్లాడుతున్నట్టు కనిపించింది.ఈ నెల రెండో వారం వరకు ఈ షెడ్యూల్‌ కొనసాగనున్నట్లు తెలుస్తోంది. యాక్షన్ అండ్ క్రైం థ్రిల్లర్ గా తెరకెక్కుతున్న ఈ సినిమాలో నాని.. అర్జున్ సర్కార్ అనే రూత్ లెస్ పోలీస్ ఆఫీసర్ పాత్రలో కనిపించనున్నాడు. వచ్చే ఏడాది మే 1 న ఈ సినిమా ప్రేక్షకుల ముందుకు రానుంది.