టాలీవుడ్ లో మరో సెన్సేషనల్ కాంబో.. పండగ చేసుకుంటున్న మెగా ఫ్యాన్స్

టాలీవుడ్ లో మరో సెన్సేషనల్ కాంబో సెట్ అయినట్లు తెలుస్తోంది. KGF, సలార్ సినిమాలతో పాన్ ఇండియా స్థాయిలో గుర్తింపు తెచ్చుకున్న ప్రశాంత్ నీల్.. ఎన్టీఆర్ తో సినిమా సెట్స్ పై ఉండగానే మరో టాలీవుడ్ హీరోతో సినిమా సెట్ చేసినట్లు సమాచారం. ఆ హీరో మరెవరో కాదు మన గ్లోబల్ స్టార్ రామ్ చరణ్. ప్రెజెంట్ ఈ న్యూస్ ఫిలిం సర్కిల్స్ లో తెగ వైరల్ అవుతోంది. 

రామ్ చరణ్ సినిమాల విషయంలో స్పీడ్ పెంచాడు. త్వరలోనే 'గేమ్ ఛేంజర్' మూవీతో ప్రేక్షకుల ముందుకు రాబోతున్న ఈ హీరో.. తన తదుపరి చిత్రాన్ని 'ఉప్పెన' డైరెక్టర్ బుచ్చిబాబుతో చేస్తున్నాడు. 'RC16' అనే వర్కింగ్ టైటిల్ తో రీసెంట్ గానే పూజా కార్యక్రమాలు జరుపుకున్న ఈ సినిమా రెగ్యులర్ షూటింగ్ మరికొద్ది రోజుల్లో మొదలు కానుంది. 

దీని తర్వాత సుకుమార్‌ దర్శకత్వంలో ఓ చిత్రం చేసేందుకు గ్రీన్ సిగ్నల్ ఇచ్చాడు. తాజాగా ప్రశాంత్‌నీల్‌ దర్శకత్వంలో సినిమా దాదాపు ఖరారైంది. 'ఆర్‌ఆర్‌ఆర్‌' లాంటి గొప్ప చిత్రాన్ని తెరకెక్కించిన డీవీవీ దానయ్య ఈ చిత్రాన్ని నిర్మించనున్నారు. ఈ దసరాకు వీరి కాంబోపై అఫీషియల్ అనౌన్స్ మెంట్ రావచ్చని టాక్ వినిపిస్తోంది. ఈ అప్డేట్ తో మెగా ఫ్యాన్స్ పండగ చేసుకుంటున్నారు. 

Also Read : సమంత, ఆలియా భట్ కాంబోలో మల్టీస్టారర్.. డైరెక్టర్ ఎవరంటే?

2029 లో సెట్స్ పైకి..

ప్రశాంత్‌నీల్‌ ఇప్పటికే ప్రభాస్‌ తో 'సలార్ 2', ఎన్టీఆర్‌ తో ఓ సినిమాకు కమిటై ఉన్నారు. అవి పూర్తయిన తర్వాత ఈ సినిమా పట్టాలెక్కనుంది. 2029లో ఈ సినిమా ఉంటుందని సమాచారం. ఈలోపు రామ్ చరణ్ బుచ్చిబాబు, సుకుమార్‌ సినిమాలు పూర్తి చేయనున్నారు